Erindi frá trúnaðamönnum FG

Samband íslenskra sveitarfélaga fer með umboð Akureyrarbæjar í kjaraviðræðum við Félag grunnskólakennara þar sem kröfugerð málsaðila er leidd til lykta. Það er mat fræðsluráðs að mikilvægt sé að þeim viðræðum ljúki áður en afstaða er tekin til óska um breytingar á vinnutímaákvæði kjarasamnings kennara hjá Akureyrarbæ. Það ætti að vera keppikefli samningsaðila að stuðla að auknum sveigjanleika í starfsumhverfi grunnskólakennara og hvetur fræðsluráð samningsaðila til að leita allra leiða svo ljúka megi gerð nýs kjarasamnings.