Frestun fundar í fræðsluráði

Þuríður S. Árnadóttir V-lista lagði fram eftirfarandi bókun:

Fulltrúi VG harmar hve seint boð var sent út um frestun fundar þann 5. nóvember sl. en aðeins 51 mínútu fyrir fund barst afboðun í tölvupósti. Fulltrúi VG mætti á fundarstað ásamt öðrum fulltrúa sem ekki hafði heldur séð afboðunina. Mikilvægt er að taka tillit til þess að nefndarfólk þarf í sumum tilfellum að skipuleggja fundarsetu langt fram í tímann vegna vinnu og æskilegt hefði verið að fá afboðið minnst 4 klst. fyrir áætlaðan fundartíma. Samkvæmt lögmanni bæjarins hefði verið æskilegt að fá samþykki allra fundarmanna þegar til stóð að fresta fundi en hún segir þó engar reglur vera til um slíkt.



Fulltrúar meirihluta fræðsluráðs lögðu fram eftirfarandi bókun:

Röð atvika varð til þess að fundi var frestað með skömmum fyrirvara þann 5. nóvember sl. Heyrir slíkt til undantekninga og er beðist afsökunar á því að þetta hafi gerst.