Hjólað í vinnuna 2012

Málsnúmer 2012040053

Vakta málsnúmer

Íþróttaráð - 109. fundur - 26.04.2012

Lagt fram bréf dags. 12. apríl 2012 frá Íþrótta- og Ólympíusambandi Íslands þar sem vakin er athygli á vinnustaðakeppninni Hjólað í vinnuna sem haldin verður 9.- 29. maí nk.

Íþróttaráð fagnar átakinu Hjólað í vinnuna og að almenn þátttaka hafi verið að aukast á undanförnum árum.

Íþróttaráð hvetur fyrirtæki og einstaklinga á Akureyri til þátttöku í verkefninu og taka þannig þátt í að auka almenna lýðheilsu Akureyringa.

Íþróttaráð hyggst veita viðurkenningu til þess vinnustaðar Akureyrarbæjar sem stendur sig best.

Íþróttaráð - 112. fundur - 07.06.2012

Á fundi sínum 26. apríl sl. samþykkti íþróttaráð að veita viðurkenningu þeim vinnustað Akureyrarbæjar sem stæði sig best í átakinu Hjólað í vinnuna.

Íþróttaráð fagnar góðri þátttöku Akureyringa í átakinu, sem m.a. skilaði sveitarfélaginu í annað sæti í heildarstigakeppni sveitarfélaga. Íþróttaráð hyggst veita leikskólanum Pálmholti, Síðuskóla og Amtsbókasafninu viðurkenningu fyrir mjög góðan árangur í átakinu Hjólað í vinnuna 2012.