Sumarlokun leikskóla í Akureyrarbæ 2012

Fyrir fundinn var lögð eftirfarandi tillaga vegna sumarlokana í leikskólum Akureyrarbæjar, en samkvæmt fjárhagsáætlun verða leikskólarnir að loka í fjórar vikur samfellt.
Foreldrarráð leikskólanna og starfsmannafundir í leikskólunum fá eftirtaldar hugmyndir til umræðu og umsagnar:
1. Óbreytt fyrirkomulag þ.e. eins og búið var að skipuleggja fyrir 2011 - 2013
2. Leikskólarnir loki í fjórar vikur - tvö tímabil: 2. júlí - 27. júlí og 9. júlí - 3. ágúst.
3. Leikskólarnir loki í fjórar vikur - tvö tímabil: 18. júní - 13. júlí og 16. júlí - 14. ágúst.
4. Leikskólarnir loki allir á sama tíma í fjórar vikur: 9. júlí - 3. ágúst.
5. Leikskólarnir loki allir á sama tíma í fimm vikur: 2. júlí - 3. ágúst.
6. Annað form á sumarlokun, þá hvað?

Fyrir fundinn voru lagðar niðurstöður frá starfsmannafundum leikskólanna og foreldraráðum um hugmyndir og tillögur að sumarlokun leikskólanna, sem skólanefnd samþykkti að senda til þeirra til umsagnar.

Erindi dags. 11. janúar 2012 frá leikskólastjóra og starfsmönnum leikskólans Holtakots, þar sem ákvörðun skólanefndar um niðurröðun leikskóla í sumarlokun 2012 er harðlega mótmælt. Er farið fram á að skólanefnd færi Holtakot á seinna sumarlokunar-tímabilið.
Fram kom á fundinum að fulltrúi leikskólakennara, fulltrúi leikskólastjóra og leikskólafulltrúi, sem sæti eiga í skólanefnd, tóku að sér að raða skólunum niður á tímabil og því miður var ekki hægt að verða við ítrustu óskum um tímabil.