Búseta með þjónustu fyrir fatlaða - starfsemi 2010

Kynning á stöðu verkefna, biðlista og helstu verkefnum framundan.
Anna Marit Níelsdóttir verkefnastjóri á búsetudeild kynnti stöðu biðlista eftir búsetu með þjónustu. Biðlistinn hefur styst á árinu en þó eru enn nokkrir sem beðið hafa úrlausnar lengi og/eða eru í brýnni þörf. Sérstaklega er brýnt að mæta þörfum fjölfatlaðs ungs fólks sem þarf að fá búsetu innan tveggja ára.
Arnar Eyfjörð Harðarson forstöðumaður í búsetuþjónustu fatlaðra kynnti hugmyndir að nýjum lausnum sem hafa það að markmiði að hægt verði að fækka herbergjasambýlum og bjóða þeim íbúum sem vilja upp á meira einkarými.
Kristinn Már Torfason forstöðumaður í búsetuþjónustu fatlaðra sagði stuttlega frá þjónustu í Þrastarlundi 3 og framtíðaráformum.
Arne Friðrik Karlsson forstöðumaður í búsetuþjónustu fatlaðra sagði frá nýju búsetuúrræði í Brálundi 1.

Kristín Sigursveinsdóttir framkvæmdastjóri búsetudeildar kynnti stöðu í búsetumálum fólks með fötlun og tillögur um úrbætur.