Kvikmyndahátíðin Laterna Magica

Þrír kvikmyndagerðarmenn, Kristján Blær Sigurðsson, Úlfur Logason og Þorsteinn Kristjánsson, frá félagsmiðstöðvum Akureyrar unnu til verðlauna á kvikmyndahátíðinni Laterna Magica sem fram fór í Vesterålen í Noregi fyrir skemmstu. Allir hafa þeir tekið þátt í stuttmyndahátíðinni Stulli sem haldin er á vegum félagsmiðstöðva og Ungmenna-Húss Akureyrarbæjar með styrk frá Menningarráði Eyþings.

Sýndar voru stuttmyndirnar Þórgnýr sem vann til verðlauna á kvikmyndahátíðinni Laterna Magica í nóvember sl. og Taktur sem vann til verðlauna á Stulla stuttmyndahátíð nú í desember.