Punkturinn - handverksmiðstöð

Á Punktinum er boðið upp á fjölbreytt úrval námskeiða í handverki hjá fag- eða listafólki fyrir börn og fullorðna  .

Á tómstundanámskeiðum er lögð áhersla á sköpun á fjölbreyttum sviðum m.a. í myndlist og tréverki, leik- og sjálfsstyrkinganámskeið. Þau standa til boða fyrir börn í 4., 5., 6., og 7. bekk grunnskóla eftir að skóladegi lýkur.

Fullorðinsnámskeiðin hvetja til sjálfstæðra vinnubragða og veita undirstöðuþekkingu á hverskonar handverki. Eftir að námskeiði lýkur er hægt að nýta aðstöðuna og fá leiðsögn og aðstoð hjá starfsfólki Punktsins.

Facebooksíða Punktsins

 

Tómstundanámskeið

Á tómstundanámskeiðum er lögð áhersla á sköpun á fjölbreyttum sviðum m.a. í myndlist og tréverki, í gegnum leik- og sjálfsstyrkinganámskeið. Þau standa til boða fyrir börn í 4., 5., 6., og 7. bekk grunnskóla og eru kennd á milli kl 15 - 18, annars vegar í Punktinum undir leiðsögn starfsmanna og hinsvegar á vegum sjálfstæðra kennara/leiðbeinanda og stofnana haust- (sept - des) og vorönn (jan-maí).

Skráning á námskeiðin fer fram í gegnum Nóra kerfið og falla undir frístundastyrkinn (börn fædd 2003 til og með 2014) að upphæð kr. 40.000 og gildir frá 1. jan. 2020 - 31.des. 2020.
Ef óskað er eftir aðstoð má einnig senda póst á tomstund@akureyri.is eða hafa samband við okkur í gegnum facebook-síðuna okkar.

Námskeið sem eru í boði haustið 2020 má finna hér.

Fullorðinsnámskeið

Smelltu hér til að fara á skráningarsíðu þar sem er að finna yfirlit yfir námskeið í boði.

Við skráningu er jafnframt gengið frá greiðslu.

Opnunartími

 

Mánudaga 13:30 - 17:00

Þriðjudaga 13:00 - 17:00

Miðvikudaga 10:00 - 17:00

Fimmtudaga 13:00 - 22:00

Föstudaga 09:00 - 12:00

 

Starfsfólk 

Forstöðumaður tómstundamála er Halla Birgisdóttir Ottesen  sími: 6596545

Umsjónarmaður Punktsins er Halla Birgisdóttir Ottesen (hallabirgis@akureyri.is)

Aðrir starfsmenn:

Edda Gunnarsdóttir, list- og handverksleiðbeinandi með sértæka ábyrgð á tómstundastarfi barna

Bryndís Fanný Halldórsdóttir, list- og handverksleiðbeinandi

Kristín Sigtryggsdóttir, list- og handverksleiðbeinandi

Súsanna Kristinsdóttir, list- og handverksleiðbeinandi

Arnar Yngvason list- og handverksleiðbeinandi / húsvörður

Aðstaða

Leirstofa er opin fyrir almenning nema þegar það eru námskeið.

Glerstofa er opin fyrir almenning nema þegar það eru námskeið.

Saumastofa er opin alla virka daga til afnota. Við erum með nokkrar saumavélar, gott sníðaborð, overlock vélar og leðursaumavél.

Allrahandastofa er opin til að vinna sjálfstætt alla virka daga. Hér er unnið í þæfingu, skiltagerð, tauþrykk og margt fleira.

Smíðastofa er opin fyrir almenning nema þegar það eru námskeið og eingöngu fyrir þá sem eru vanir vélum eða treysta sér til að vinna sjálfstætt.

Gjaldskrá:

Aðstöðugjald 500,- á dag
67 ára og eldri 0
Yngri en 18 ára 0
Öryrkjar/atvinnulausir 0
10 miða kort 4.000
3 mánaða kort 10.000
Árskort 20.000

Saga Punktsins

Í janúar 1994 boðaði Akureyrarbær atvinnulaust fólk í bænum til fundar í Íþróttahöllinni. Tilefnið var að kanna áhuga á stofnun alhliða handíðaverkstæðis til tómstundaiðju með kennslu/leiðbeiningum fyrir atvinnulaust fólk. Til fundarins mættu liðlega 50 manns, undirtektir voru góðar og fundurinn kaus 10 manna nefnd úr sínum röðum til að vinna að málinu með stuðningi ýmissa aðila hjá Akureyrarbæ. Hópnum var afhent húsnæði á Gleráreyrum þar sem skóverksmiðjan Strikið hafði verið til húsa. Strax var hafist handa við að safna áhöldum og öðru sem þurfti til, til að koma upp vinnuaðstöðu. Staðnum var gefið nafnið Punkturinn.

Með góðum stuðningi og velvilja stofnana, félaga, og fyrirtækja og ekki síst einstaklinga tókst að fá að láni öll helstu tæki sem þurfti. Hvar sem borið var niður var einstökum velvilja og hlýhug að mæta. Einnig bárust fjárstyrkir frá opinberum aðilum svo sem Akureyrarbæ, ráðuneytum og verkalýðsfélögum. Á fyrsta starfsári tók Akureyrarbær alfarið við rekstrinum og var íþrótta- og tómstundaráði falið að hafa yfirumsjón með uppeldinu. Í dag hefur starfsemin þróast út í að það að þjóna öllu því fólki sem áhuga hefur á hverskonar handverki og tómstundavinnu. Áfram er unnið í anda þeirrar hugsjónar sem upphaflega var lagt af stað með, þ.e. að gefa fólki möguleika á því að læra eða finna upp hjá sér sjálfu ákveðna verkþætti og nýta sér þá.

Punkturinn hefur tileinkað sér eitt ákveðið verkform öðru fremur og það er að viðhalda gamalli verkþekkingu. Sú vinna er mjög mikilvæg í samfélagi eins og okkar þar sem breytingar eru svo örar að það getur reynst erfitt að halda við þeirri verkþekkingu sem var notuð fyrir ekki svo margt löngu.

Handverks- og tómstundamiðstöðin Punkturinn hefur sannað tilverurétt sinn í þeirri miklu flóru sem tómstundastarf á Akureyri býður upp á.
Starfsemin hefur byggst upp á fjórum grunnþáttum sem eru vefnaður, smíðar, saumaskapur og leirmótun. Auk þess hafa verið haldin mörg námskeið í ýmsun list- og handverksgreinum. Það er stefna staðarins að sköpunargleðin sitji í fyrirrúmi. Látum tuskurnar verða að litfögrum mottur, viðarkubbinn að fallegri skál. Mótum gljáfægðan vasa úr gráum leirnum og sníðum klæðin í kjóla og kápur eða jakka og buxur.

Hafðu samband

Sími 460-1244.

Netfang: punkturinn@akureyri.is

Smelltu hér til að fara á facebook síðu Punktsins.

 

Síðast uppfært 20. nóvember 2020