19.05.2021 - 13:25
Lestrar 48
Útlán á lautarkörfum
Hvernig væri að grípa með sér lautarkörfu frá Amtsbókasafninu í næsta göngutúr!
Í fyrra fór Amtsbókasafnið af stað með þá nýjung að hefja útlán á lautarkörfum. Við endurtökum leikinn í ár og hvetjum fólk til að grípa með sér körfu í næsta göngutúr, bíltúr, fjöruferð eða bara skrepp út á svalir.
Í hverri körfu er teppi, tímarit og/eða barnabækur auk þess sem áhugasömum gefst kostur á að kaupa “nestispakka” á tilboði frá Orðakaffi • Lunch buffet • Pastry • Café (Kaffi + súkkulaði og safi + marengstoppar).
Til að fá lánaða körfu þarf annað hvort bókasafnsskírteini eða að fylla út miða í afgreiðslu safnsins.
Dagslán er á körfunum en helgarlán eru líka í boði. Það má fara með körfurnar hvert sem er, t.d. í Lystigarðinn, Kjarnaskóg eða út fyrir bæjarmörkin.
Nú er bara um að gera að prufa!
