Útlán

Útlán

Almennar upplýsingar

Fyrsta bókasafnsskírteinið er ókeypis fyrir alla sem eiga lögheimili á Akureyri. Glatist skírteini þarf að greiða 1.300 kr. fyrir nýtt. Lánþegar sem eiga ekki lögheimili í Akureyrarkaupstað greiða 2.100 kr. árgjald.

Alltaf þarf að hafa skírteinið meðferðis þegar gögn safnsins eru fengin að láni. 

Lánþegar geta séð útlánastöðu sína með því að skrá sig inn á www.leitir.is og þar má líka endurnýja útlán, panta millisafnalán o.fl.

Fyrir pantanir á nýju efni greiðast 250 kr. og við látum vita um leið og pantað efni kemur í hús. Ekki þarf að borga fyrir frátektir á eldra efni.

Í útlánadeildinni má finna tugþúsundir bóka um allt milli himins og jarðar og eru þær allar lánaðar út. Bækur eru lánaðar í 30 dagar nema annað sé tekið fram. Sama gildir um hljóðbækur og tímarit.

Útlán á kvikmyndum og öðru stafrænu efni er samkvæmt gjaldskrá:

Útlánareglur

Almenn útlán

Til að fá lánuð gögn á safninu er nauðsynlegt að eiga bókasafnsskírteini. Gögn safnsins eru ekki lánuð út án framvísun skírteinis.

Öllum er heimilt að fá bókasafnsskírteini. Þangað til börn hafa náð sextán ára aldri þarf annað foreldri, eða forráðamaður, að ábyrgjast skírteini barns síns. Í þeim tilvikum þarf að fylla út ákveðið umsóknareyðublað. Þegar einstaklingar eldri en sextán ára fá skírteini er ekki nauðsynlegt að fylla út eyðublað.

Fyrsta skírteini sem einstaklingur fær er ókeypis. Ef skírteini hins vegar glatast kostar 1.300 kr. að fá nýtt. Lánþegar sem ekki eiga lögheimili í Akureyrarkaupstað þurfa að borga 2.100 kr. árgjald.

Heimilt er að framlengja útlán í gegnum síma og á staðnum án þess að bók fylgi með.

Umsókn um skírteini fyrir börn yngri en 16 ára má nálgast hér

Mynddiskar - DVD:

• Mynddiskar kosta 100 til 400 kr. - lánaðir út í tvo daga
• Barnamyndir kosta 100 til 400 kr. - lánaðar út í 7 daga
• Sjónvarpsþættir kosta 200 kr. - lánaðir út í 7 daga
• Fræðslumyndir kosta 100 kr. - lánaðar út í 7 daga

Athygli skal vakin á því að lánstími mynda sem fengnar eru að láni á fimmtudögum er fjórir dagar, og á föstudögum og laugardögum bjóðum við 2 fyrir 1 á öllum DVD myndum.

Ef mynddiskum er ekki skilað á réttum degi reiknast sekt. Dagssekt á hvern mynddisk er 200 kr. (sama hvort um tilboðsmynd, hefðbundna mynd eða nýja/nýlega mynd er að ræða) en dagssekt á fræðslumyndir er 28 kr.

Mynddiskar eru eingöngu lánaðir út gegn framvísun bókasafnsskírteinis, eins og önnur gögn safnsins.

Almenningstölvur:

Hægt er að fá aðgang að tölvum gegn framvísun bókasafnsskírteinis. Þeir sem ekki eru með skírteini geta keypt hálftíma aðgang á 300 kr. eða klukkustund  á 500 kr.

Allir sem koma með sínar eigin tölvur eða snjalltæki fá aðgang að þráðlausu neti, endurgjaldslaust.

Sektir:

Gögn safnsins skulu innheimt þegar lánstími þeirra hefur runnið út.

Sekt reiknast á vanskil bóka, hljóðbóka og tímarita samkvæmt gjaldskrá.

Ef safnefni er ekki skilað þrátt fyrir ítrekaðar innheimtutilraunir skal viðskiptavinur sem í vanskilum er útvega bókasafninu eintak sem samsvarar því eintaki sem glatað er.