Sumarlestur

Amtsbókasafnið stendur fyrir lestrarnámskeiði í júní. Námskeiðið nefnist Sumarlestur-Akureyri, bærinn minn.

• Námskeiðið er í boði fyrir börn sem eru að ljúka 3. og 4. bekk.
• Námskeiðið er vikulangt og hefur verið boðið uppá þrjú námskeið.
• Markmið námskeiðisins er að börnin lesi sér til ánægju, efli lestrarfærni og kynnist bænum sínum. 

Til viðbótar er lestrarátak yfir sumartímann sem nefnist Skoppaðu á bókasafnið. 

• Lestrarátakið er fyrir öll börn sem eru orðin læs.
• Krakkar skoppa á bókasafnið, velja sér bók og taka þátttökumiða.
• Lesa bókina og fylla svo út þátttökumiðann.
• Skoppa aftur á bókasafnið og skila miðanum í þar til gerðan kassa.
• Velja aðra bók, taka annan þátttökumiða o.s.frv.
• Í september er uppskeruhátíð þar sem happdrættisvinningar eru afhentir og fleira skemmtilegt í boði.