Opin klippimyndasmiðja

Laugardaginn 7. mars eru allir velkomnir í kósí klippimyndasmiðju á Amtsbókasafninu. Á staðnum verða afskrifuð tímarit og bækur ásamt skærum, límstiftum og lituðum blöðum. Smiðjan stendur yfir kl. 11-15.

Gefið ímyndunaraflinu lausan tauminn og skapið afmæliskort, veggspjald, bókamerki eða bara ykkar eigin heim!

Á Amtsbókasafninu er einnig hægt að skoða nýja sýningu í safninu "Akureyri bærinn minn", lita, tefla, spila, leigja mynddiska, fá sér kríu og að sjálfsögðu skoða fullt af skemmtilegum bókum!

Verið hjartanlega velkomin!