Lestrarhvetjandi og skapandi námskeið fyrir börn í 3.-4. bekk.
Námskeiðið Sumarlestur er haldið í júní ár hvert og verður svo einnig á komandi sumri og verður það 20. skiptið. Að þessu sinni verður námskeiðið með breyttu sniði. Við munum kynna okkur fjölmargar barnabækur og skoða sögupersónur í þeim. Hver hópur mun síðan velja sér eina sögupersónu til að smíða. Þessar sögupersónur munu síðan verða staðsettar í Kjarnaskógi og munu tengjast ratleik sem ber heitið Úti er ævintýri. Sá ratleikur verður tilbúinn á Alþjóðadegi læsis, 8. september, 2021.
Að námskeiðinu standa Amtsbókasafnið og Minjasafnið í samstarfi við aðrar stofnanir bæjarins. Verkefnið nýtur styrks úr Barnamenningarsjóði Íslands.
Námskeið:
- Vika 1: 15.-19. Júní (frí 17.júní)
- Vika 2: 22.-26. Júní
Gott að vita:
- Námskeiðin eru kl. 9-12
- Námskeiðsgjald er 3.000 kr.
- Fjöldatakmarkanir eru á námskeiðin
Upplýsingar sem þurfa að koma fram við skráningu:
- Nafn barns og forráðamanna
- Eftir hvaða tímabili er óskað
- Netföng og símanúmer
- Skóli og bekkur
- Aðrar upplýsingar um barnið sem forráðamenn vilja koma á framfæri
Skráning hefst 4. júní á netfanginu fridab@amtsbok.is
Aðstandendur námskeiðs:
Hólmfríður Björk Pétursdóttir, barnabókavörður, Amtsbókasafninu á Akureyri
Ragna Gestsdóttir, safnfræðslufulltrúi, Minjasafninu á Akureyri
Ólafur Sveinsson, myndlistamaður og kennari
