Upplýsingar um viðburð
Þessi sýning er haldin til að heiðra Einar Áskel og auðvitað höfund hans, Gunillu Bergström, í tilefni af 50 ára afmælinu. Það var nefnilega árið 1972 sem fyrsta bókin um hann kom út á sænsku en hún heitir á íslensku Góða nótt, Einar Áskell.
Sýningin var áður á barnabókasafni Norræna hússins, unnin í samvinnu við sænska sendiráðið og Sænsku stofnunina á Íslandi.
Bækurnar hafa verið þýddar á fleiri en 30 tungumál og eru enn mjög vinsælar, t.d. hér á Amtsbókasafninu á Akureyri.
Á sýningunni er þyrla sem börn mega fara inn í, spjald með Einari og pabba hans sem hægt er að mynda sig í, kósí sófi og púðar, veggspjöld og fleira. Á borði í anddyrinu eru sögupokar með spilum, böngsum, kubbum, bók og fleiru. Þeir eru lánaðir út í 14 daga og hægt er að lána þá í sjálfsafgreiðslu.
Sjón er sögu ríkari og því hlökkum við til að sjá ykkur hér á Amtsbókasafninu til að njóta sýningarinnar. En við látum fylgja hér myndir með.
Sýningin stendur til og með 18. júlí nk.
