Starfsmat sveitarfélaga

Samband íslenskra sveitarfélaga og Reykjavíkurborg hafa tekið þá ákvörðun í samvinnu við viðsemjendur sína að innleiða nýtt samræmt starfsmatskerfi. Kerfið sem varð fyrir valinu var hannað í Bretlandi og hefur gefið góða raun í fjölmörgum sveitarfélögum þar.

Starfsmatskerfið er greiningartæki sem er notað til að meta með kerfisbundnum hætti þær kröfur sem störf gera til starfsmanna. Kerfið byggir á hlutlægum viðmiðum sem notuð eru til að bera saman störf í samræmi við þær kröfur sem í störfunum felast, óháð hæfni þeirra sem þau vinna. 

Markmið starfsmats er að tryggja að starfsmönnum séu ákvörðuð laun með eins málefnalegum og hlutlægum aðferðum og hægt er og á að leiða til þess að störfum sé raðað þannig til grunnlauna að þau séu hin sömu fyrir störf sem metin eru jafnkrefjandi, óháð starfsstöðum, stéttarfélagi eða kyni.

Hér má finna kynningu um starfsmatið

Hér má finna vef starfsmatsins

Síðast uppfært 17. maí 2017