Heilsueflandi samfélag á Akureyri

Akureyrarbær er heilsueflandi samfélag
Meginmarkmiðið með Heilsueflandi samfélag er að heilsa og líðan allra íbúa sé í fyrirrúmi í stefnumótun og aðgerðum og þannig skapa umhverfi og aðstæður sem stuðla að heilbrigðum lifnaðarháttum, heilsu og vellíðan allra íbúa. Heilsuefling er ferli sem gerir fólki kleift að hafa aukin áhrif á heilsu sína og bæta hana. Hún miðar að því að hafa áhrif á lífsstíl fólks og skapa umhverfi sem styður fólk til þess að lifa heilsusamlegu lífi. Hugtakið felur einnig í sér að efla heilbrigði með því að skapa fólki félagslegar, menningarlegar og efnahagslegar aðstæður og umhverfi sem gera einstaklingum og samfélaginu kleift að auka hreysti og efla vitund og vilja til að viðhalda heilbrigði.

Vinnustaðakeppni ÍSÍ, "Hjólað í vinnuna" er maí.
Í lok maí "Hreyfivika UMFÍ".
Vissir þú að í Akureyrarbæ eru fjórar sundlaugar... ertu búin/n að prófa þær allar? Aftur?
Í hverju hverfi og um gervalla Akureyri er að finna fjölbreytta göngu-, hlaupa- og hjólastíga. Sagan segir að enginn einn hafi gengið/hlaupið/hjólað þá alla!
Á Akureyri og nágrenni eru margar áhugaverðar gönguleiðir, ýmist léttar, miðlungs eða krefjandi!
Allir geta notað sér leiðarkerfi strætó frítt á Akureyri.
Viðburðadagatal Ferðafélags Akureyrar er ávallt spennandi kostur að kíkja á og skoða þegar að huga á að útiveru og heilsueflingu!
Á Akureyri eru nokkrir frisbígolfvellir sem henta ungum sem eldri, byrjendum sem öðrum meisturum.
Kjarnaskógur, Hvammur, Hamrar og Naustaborgir eru útivistarparadísir í bakgarði Akureyrar og þar er fjöldi tækifæra til heilsueflingar, hvort sem er að ganga, hlaupa, leika eða hjóla. Í Kjarnaskógi eru m.a. fjórir frábærir strandblaksvellir.
Á Akureyri eru 22 íþróttafélög undir merkjum Íþróttabandalags Akureyrar, sem sinna jafnfjölbreyttri heilsueflingu og þau eru mörg, reyndar ríflega það!
Önnur afþreying, áhugaverðir staðir og viðburðir/hátíðir á Akureyri og nágrenni.

 

 

Heilsueflandi samfélag miðar að því að þróa samfélagslegan ramma utan um markvissa og heildræna heilsueflingu allra aldurshópa. Í þeim tilgangi eru lagðir til grundvallar fjórir áhrifaþættir heilbrigðis sem unnið er með, þ.e. næring, hreyfing, geðrækt og lífsgæði.

 

15. og 16. febrúar 2018

Akureyrarbær býður grunn- og framhaldsskólanemum á Akureyri frítt í sund og á skíði í vetrarfríi grunnskóla á Akureyri.
Fimmtudaginn 15. febrúar geta grunn- og framhaldsskólanemar farið í skíðalyfturnar í Hlíðarfjalli án endurgjalds. Opið verður frá kl. 10-19. Lyftumiðar eru afhendir í afgreiðslu. Athugið að krakkarnir þurfa að eiga rafrænt kort eða kaupa slíkt á 1.000 kr. í afgreiðslu Hlíðarfjalls.
Föstudaginn 16. febrúar geta grunn- og framhaldsskólanemar farið frítt í Sundlaugina á Akureyri (opið frá kl. 6.45-21.00), Glerárlaug (opið frá kl. 6.30-21.00) og sundlaugina í Hrísey (opið frá kl. 15-18). Frítt verður fyrir sama hóp í sundlaugina í Grímsey laugardaginn 17. febrúar (opið frá kl. 14-16).
Grunnskólanemendur gefa upp kennitölu og nafn skóla í afgreiðslu og framhaldsskólanemar VMA og MA framvísa nemendaskírteinum.  

 

27.nóvember2017

Námskeið í Oddeyrarskóla á vegum Embætti Landlæknis á www.heilsueflandi.is fyrir leik- og grunnskóla á Akureyri og nágrenni.

Einnig kynning á Heilsueflandi grunnskóli.

7. október 2017
SÍBS Líf og heilsa, í samstarfi við Akureyrarbæ, stóð fyrir heilsufarsmælingum öllum Akureyringum að kostnaðarlausu. 
Mældur var blóðþrýstingur, blóðfita, blóðsykur, súrefnismettun og fleira, auk þess sem þátttakendum var boðið að taka þátt í könnun um lífsstíl og heilsufar sem snertir á flestum áhrifaþáttum heilbrigðs lífs.

 

16.-22. september 2017
Evrópsk samgönguvika á Akureyri. Þar var m.a. hjólreiðaferð fjölskyldunnar, göngu og fræðsluferð í Krossanesborgum, bíllaus dagur og alltaf frítt í almenningssamgöngur.

 

Miðvikudagar í september 2017
Ferðafélag Íslands stóð fyrir lýðheilsugöngum alla miðvikudaga í september á Akureyri sem og annars staðar á landinu. Á Akureyri var gengið um gömlu brýrnar, Nonnastíg, Kjarnaskóg og innbæinn.

 

12. júní 2017
Embætti Landlæknis kynnti Íslensku Lýðheilsuvísana 2017 í Hofi á Akureyri. 

 

31. október 2016
Embætti Landlæknis stóð fyrir vinnustofu fyrir sveitarfélög á norðurlandi varðandi heilsueflandi samfélög.

 

28. ágúst 2015

Akureyrarbær og Embætti landlæknis undirrituðu samstarfssamning á Akureyri um þátttöku Akureyrarbæjar í verkefninu Heilsueflandi samfélag.
Með undirritun samningsins bætist Akureyri í hóp þeirra sveitarfélaga sem skuldbinda sig til þess að efla lýðheilsu og lífsgæði íbúa sinna á markvissan hátt. Þau eru nú sjö talsins og ná til ríflega helmings íbúa landsins.

Á meðfylgjandi mynd fagna þeir Birgir Jakobsson landlæknir og Eiríkur Björn Björgvinsson, bæjarstjóri Akureyrar, undirritun samstarfssamningsins.

Heilsueflandi samfélag undirritun

 

 

 

 

 

Síðast uppfært 18. desember 2020