- Þjónusta
- Menntun
- Samgöngur og slökkvilið
- Umhverfismál
- Skipulag og byggingarmál
- Framkvæmdir
- Tímabókanir
- Velferð og fjölskyldan
- Stjórnkerfi
- Bæjarstjórn
- Stjórnsýsla
- Akureyri
- Útboð
- Fjármál og tölfræði
- Fyrir fjölmiðla
- Sveitarstjórnarkosningar 2022
- Mannlíf
- Þjónustugátt
Bæjarráð
Dagskrá
Silja Dögg Pálsdóttir L-lista mætti í forföllum Matthíasar Rögnvaldssonar.
1.Útboð vöru og þjónustu
Málsnúmer 2013120175Vakta málsnúmer
Dan Jens Brynjarsson fjármálastjóri fór yfir innheimtumál hjá Akureyrarbæ.
Bæjarráð tilnefnir þá Dan Jens Brynjarsson, Loga Má Einarsson og Gunnar Gíslason í starfshóp til að fara yfir innheimtumál bæjarins og skila tillögu til bæjarráðs fyrir 31. október nk.
2.Fjárhagsáætlun Akureyrarbæjar 2014 - framkvæmdir
Málsnúmer 2013050198Vakta málsnúmer
Staða framkvæmda við Naustaskóla.
Guðni Helgason framkvæmdastjóri Fasteigna Akureyrarbæjar sat fund bæjarráðs undir þessum lið.
Guðni Helgason framkvæmdastjóri Fasteigna Akureyrarbæjar sat fund bæjarráðs undir þessum lið.
Bæjarráð leggur til að farið verði í framkvæmdir við lóð vestan við Naustaskóla við aðalinngang á árinu og vísar málinu til stjórnar Fasteigna Akureyrarbæjar. Frekari ákvarðanir um framkvæmdir við Naustaskóla er vísað til gerðar fjárhagsáætlunar og stefnt er að að ljúka framkvæmdum sem fyrst.
3.Gatnagerðargjöld - endurskoðun 2014
Málsnúmer 2011020017Vakta málsnúmer
12. liður í fundargerð skipulagsnefndar dags. 9. júlí 2014:
Skipulagsstjóri lagði fram tillögu að endurskoðaðri gjaldskrá gatnagerðargjalda á Akureyri. Tillagan er unnin í samráði við fjármálastjóra en lagt er til að framlengdur verði tímabundinn 20% afsláttur af gatnagerðargjaldi frá 1. júlí 2014 til 31. desember 2014 en lækki síðan árlega um 5%.
Skipulagsnefnd leggur til að veittur verði 15% afsláttur til 31. desember 2014 og 7,5% til 30. júní 2015 en að afsláttur falli síðan niður og vísar tillögunni að öðru leyti til afgreiðslu bæjarráðs.
Skipulagsstjóri lagði fram tillögu að endurskoðaðri gjaldskrá gatnagerðargjalda á Akureyri. Tillagan er unnin í samráði við fjármálastjóra en lagt er til að framlengdur verði tímabundinn 20% afsláttur af gatnagerðargjaldi frá 1. júlí 2014 til 31. desember 2014 en lækki síðan árlega um 5%.
Skipulagsnefnd leggur til að veittur verði 15% afsláttur til 31. desember 2014 og 7,5% til 30. júní 2015 en að afsláttur falli síðan niður og vísar tillögunni að öðru leyti til afgreiðslu bæjarráðs.
Bæjarráð samþykkir 15% afslátt af gatnagerðargjaldi tímabundið til 30. júní 2015. Jafnframt verði skipulagsnefnd falið að endurskoða gjaldskrá um gatnagerðargjöld.
4.Leikfélag Akureyrar - styrkbeiðni 2014
Málsnúmer 2014070087Vakta málsnúmer
Erindi dags. 10. júlí 2014 frá Hlyni Hallssyni varaformanni stjórnar Leikfélags Akureyrar þar sem óskað er eftir kr. 7.500.000 aukafjárveitingu til þess að félagið geti haldið úti lágmarksstarfsemi til loka ársins 2014.
Í upphafi þessa dagskrárliðar vakti Guðmundur Baldvin Guðmundsson B-lista á því athygli að hann teldi sig vanhæfan að fjalla um þennan lið.
Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir bæjarráð og var það samþykkt með 4 samhljóða atkvæðum.
Logi Már Einarsson S-lista sat hjá við afgreiðslu.
Guðmundur Baldvin Guðmundsson B-lista vék af fundi við umræðu og afgreiðslu málsins og tók Logi Már Einarsson varaformaður við stjórn fundarins á meðan.
Í upphafi þessa dagskrárliðar vakti Guðmundur Baldvin Guðmundsson B-lista á því athygli að hann teldi sig vanhæfan að fjalla um þennan lið.
Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir bæjarráð og var það samþykkt með 4 samhljóða atkvæðum.
Logi Már Einarsson S-lista sat hjá við afgreiðslu.
Guðmundur Baldvin Guðmundsson B-lista vék af fundi við umræðu og afgreiðslu málsins og tók Logi Már Einarsson varaformaður við stjórn fundarins á meðan.
Bæjarráð frestar afgreiðslu og felur formanni stjórnar Akureyrarstofu að afla frekari gagna fyrir næsta fund bæjarráðs.
5.Heilsugæslustöðin á Akureyri - flutningur til ríkisins
Málsnúmer 2014020032Vakta málsnúmer
Erindi dags. 9. júlí 2014 frá velferðarráðuneytinu þar sem óskað er eftir fyrir hönd ráðherra að Akureyrarbær tilnefni tvo fulltrúa í samráðshóp til að vinna að tilfærslu reksturs heilsugæslustöðvarinnar til ríkisins.
Bæjarráð tilnefnir Sigríði Huld Jónsdóttur formann félagsmálaráðs og Karl Guðmundsson framkvæmdastjóra heilsugæslunnar í samráðshópinn.
Samhliða skipun Akureyrarbæjar í samráðshópinn óskar bæjarráð eftir formlegum fundi við heilbrigðisráðherra um starfsemi heilsugæslunnar.
6.Eyjafjarðarbraut, flugskýli 10 - deiliskipulagsbreyting
Málsnúmer 2014060152Vakta málsnúmer
1. liður í fundargerð skipulagsnefndar dags. 9. júlí 2014:
Erindi dagsett 6. júní 2014 þar sem Steinmar H. Rögnvaldsson f.h. Flugfélags Íslands, óskar eftir stækkun á byggingarreit fyrir flugskýli 10 á lóð 3a við Eyjafjarðarbraut. Skipulagsnefnd heimilaði umsækjanda þann 25. júní 2014 að leggja fram tillögu að breytingu á deiliskipulagi.
Tillagan er dagsett 1. júlí 2014 og unnin af Steinmari H. Rögnvaldssyni hjá HSÁ Teiknistofu.
Einungis er um að ræða minniháttar stækkun á byggingarreit vegna stækkunar flugskýlis og er breyting sem varðar Akureyrarkaupstað og lóðarhafa. Þess vegna leggur skipulagsnefnd til við bæjarstjórn að deiliskipulagstillagan verði samþykkt í samræmi við 2. málslið, 3. mgr. 44. gr. skipulagslaga nr. 123/2010.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 1. júlí 2014.
Erindi dagsett 6. júní 2014 þar sem Steinmar H. Rögnvaldsson f.h. Flugfélags Íslands, óskar eftir stækkun á byggingarreit fyrir flugskýli 10 á lóð 3a við Eyjafjarðarbraut. Skipulagsnefnd heimilaði umsækjanda þann 25. júní 2014 að leggja fram tillögu að breytingu á deiliskipulagi.
Tillagan er dagsett 1. júlí 2014 og unnin af Steinmari H. Rögnvaldssyni hjá HSÁ Teiknistofu.
Einungis er um að ræða minniháttar stækkun á byggingarreit vegna stækkunar flugskýlis og er breyting sem varðar Akureyrarkaupstað og lóðarhafa. Þess vegna leggur skipulagsnefnd til við bæjarstjórn að deiliskipulagstillagan verði samþykkt í samræmi við 2. málslið, 3. mgr. 44. gr. skipulagslaga nr. 123/2010.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 1. júlí 2014.
Bæjarráð samþykkir tillögu skipulagsnefndar.
Fundi slitið - kl. 12:07.
