Alls bárust níu skriflegar athugasemdir við tillögu að deiliskipulagi "Miðbæjar suðurhluta – Drottningarbrautarreits" en frestur til að
skila inn athugasemdum rann út þann 7. febrúar sl. Einnig bárust undirskriftir frá á annað þúsund manns sem mótmæltu
fyrirhugaðri breytingu. Í bókun skipulagsnefndar kemur fram að undirskriftirnar hafi flokkast þannig: 1.150 frá Akureyri, 358 utan Akureyrar, 61 ógild
undirskrift eða röng kennitala, 72 tvískráningar. Skipulagsnefnd frestaði afgreiðslu málsins á fundi sínum 29. febrúar sl.
Svæðið sem deiliskipulagið nær til afmarkast af Drottningarbraut í austri, Kaupvangsstræti í norðri, lóð Akureyrarkirkju og
Eyrarlandsvegi í vestri og lóðarmörkum Hafnarstrætis 65 og Austurbrú í suðri. Í tillögunni er gert ráð fyrir blandaðri
byggð íbúða, verslunar, þjónustu og stofnana. Nýjar íbúðir verða meðfram Drottningarbraut og við Hafnarstræti. Einnig er
gert ráð fyrir hótelbyggingu syðst á reitnum og nýrri aðkomugötu, húsagötu, samsíða Drottningarbraut.