Heimildarmyndir í boði KvikYndis á alþjóðlegri byggðaráðstefnu í Háskólanum á Akureyri

Þessa dagana fer á Akureyri fram fjórða alþjóðlega ráðstefnan um Norræn byggðamál. KvikYndi er samstarfsaðili ráðstefnunnar og þriðjudaginn 24. maí verða sýndar fjórar heimildarmyndir sem fjalla um líf og störf fólks í afskekktum byggðum á Norðurslóðum. Sýningarnar eru í Háskólanum á Akureyri í stofu M-101. Akureyringum er boðið að koma og horfa á myndirnar án þess að hafa skráð sig eða greitt ráðstefnugjald.  Sérstök athygli er vakin á myndinni Veðrabrigði eftir Ásdísi Thoroddsen en hún fjallar um breytingar á samfélaginu Flateyri við Önundarfjörð í kjölfar setningar kvótakerfisins. 

Myndirnar eru á ýmsum tungumálum en allar textaðar með enskum texta.