Útlánadeild
Almennar upplýsingar
Skírteini kostar 1000 kr. en fyrsta skírteinið er ókeypis. Týnt skírteini kostar 1000 krónur. Lánþegar sem eiga ekki lögheimili í Akureyrarkaupstað greiða 2000 kr. árgjald. Alltaf þarf að hafa skírteinið meðferðis þegar gögn safnsins eru fengin að láni. Leitartölvur er staðsettar á báðum hæðum. Í þeim er skrá yfir efni safnsins. Hægt er að leita eftir titlum, höfundum og efni svo eitthvað sé nefnt.
Lánþegar geta séð útlánastöðu sína með því að skrá sig inn á www.gegnir.is og þar er líka hægt að sjá hvort viðkomandi titill sé til á safninu, hvort hann sé inni og hvenær næsta eintak komi inn.
Hægt er að panta bækur og annað efni gegn 250 króna gjaldi. Hringt er í lánþegann um leið og pantað efni kemur inn, eða honum sendur tölvupóstur. Hægt er að panta efni símleiðis.
Einnig er hægt að óska eftir því að safnið kaupi ákveðið efni. Eyðublað fyrir þá þjónustu finnur þú hér
- Bækur
Í útlánadeildinni má finna tugþúsundir bóka um allt milli himins og jarðar og eru þær allar lánaðar út. Útlánatími bóka er 30 dagar nema annað sé tekið fram á bókunum.
Hér er að finna efni fyrir börn á öllum aldri og einnig efni fyrir ungt fólk. Mikið er til af skemmtilegum harðspjaldabókum fyrir yngstu lánþegana, alls konar smábarnabækur, barnabækur, skáldsögur sem fræðibækur. Einnig teiknimyndasögur, blöð, fræðslumyndbönd og hljóðsnældur. Og bækur á erlendum tungumálum, s.s. ensku, þýsku og norðurlandamálum, fyrir börn og unglinga.
- Ýmiskonar spil eru einnig lánuð innan safnsins og fást þau í afgreiðslunni gegn framvísun skírteinis. - Getraun mánaðarins er fyrir öll börn og dregnir eru út tveir vinningshafar sem hljóta verðlaun. - Leshringurinn er fyrir fólk á aldrinum 12-13 og hittist einu sinni í mánuði yfir vetrartímann og ræðir þá bók sem lesin var í sameiningu. - Boðið er uppá sögustundir á ákveðnum tímum. - Skáldsögur fyrir unglinga eru á 1.hæð.
- Hljóðbækur
Safnið býður upp á gott úrval hljóðbóka til almennra útlána og eru útlánin á þeim ókeypis. Útlánatíminn er 30 dagar. Efni hljóðbókanna er margs konar: Skáldsögur, ævisögur, fræðsluefni, barnaefni auk hljóðbóka á ensku.
- Safnkynning
Elstu börnum í leikskólum, bekkjardeildum í skólum og öðrum sem áhuga hafa stendur til boða að koma í kynnisferð á bókasafnið. Gestir fá leiðsögn um safnið, kynningu á starfseminni og þeim möguleikum sem lánþegum stendur til boða.
- Myndbönd og mynddiskar
Safnið býður upp á mikið úrval myndbanda og mynddiska. Útlánatíminn er misjafn, frá tveimur dögum upp í eina viku. Um er að ræða ýmis konar fræðslumyndir, afþreyingamyndir og barnamyndir. Sama verð gildir um þessa flokka:
Afþreyingamyndir kosta 200 krónur - útlánatími er tveir dagar.
Barnamyndir kosta 200 krónur - útlánatími er 2 dagar.
Nýjar/nýlegar afþreyingamyndir (barna og fullorðins) kosta
400 krónur, útlánatími er tveir dagar.
Fræðslumyndir kosta 100 krónur - útlánatími er ein vika.
Auk þess eru nokkur myndbönd ókeypis - útlánatími er ein vika. Einnig skal tekið fram að allar íslenskar myndir kosta 400 kr.
Athygli skal vakin á því að lánstími mynda sem fengnar eru að láni á fimmtudögum er fjórir dagar, og þrír á föstudögum.
- Margmiðlunarefni
Útlánatími á margmiðlunarefni er tvær vikur og kostar hvert lán 100 krónur. Mest er af ýmis konar fræðsluefni svo sem tungumálakennslu og listasögu. Einnig má benda á efni fyrir börn, svo sem Stafakarlana og Múmínálfana.
- Geisladiskar
Útlánatími á geisladiskum er ein vika og kostar hvert lán 100 krónur. Hér má nefna klassíska tónlist, djass, ýmis konar efni fyrir börn ásamt almennri innlendri og erlendri tónlist.
- Linguaphone
Útlánatími á þessum tungumálanámskeiðum er einn mánuður og eru lán á þeim ókeypis. Til eru námskeið í: ensku, dönsku, norsku, ítölsku, spænsku, sænsku, rússnesku, frönsku og þýsku.
- Tímarit
Útlánatími á tímaritum er einn mánuður. Nokkuð úrval er af íslenskum og erlendum tímaritum, t.d. Nýtt líf, Eiðfaxi, Séð & heyrt, Vogue og PC Gamer. Nýjasta tölublað hvers tímarits er alltaf haft á standi í kaffiteríunni á fyrstu hæð en fer síðan í útlán þegar næsta tölublað berst.
- Erlend skáldrit
Nokkuð mikið úrval er af enskum skáldritum. Þeim er skipt í tvo flokka: vísindaskáldsögur, fantasíur og almenn skáldrit. Einnig eru til fagurbókmenntir á norrænum málum, þýsku, frönsku, ítölsku og spænsku.
- Dagblöð
Á safninu er hægt að skoða öll íslensk dagblöð.
