Umsjónarmaður millisafnalána: Nanna Lind (millisafnalan@akureyri.is)
Kennslumyndband um millisafnalán
Hvað er millisafnalán?
Með millisafnalánum er átt við það þegar bókaverðir útvega rit sem bókasafnið á ekki, annað hvort bækur eða
ljósrit af tímaritsgreinum, frá öðrum söfnum, innlendum eða erlendum. Einnig er í sumum tilvikum hægt að fá myndir og geisladiska
lánaða frá öðrum bókasöfnum.
Hverjir geta fengið millisafnalán?
Þeir sem eiga gild bókasafnsskírteini er heimilt að nýta sér þessa þjónustu. Æskilegt er að notendur athugi sjálfir hvort
ritið finnist í Gegni áður en beðið er um millisafnalán.
Nú getur þú pantað millisafnalán á gegnir.is
1. Það þarf að skrá sig
hjá okkur
Við á Amtsbókasafninu höfum tekið upp þá nýbreytni að viðskiptavinir safnsins geta pantað millisafnalán á gegnir.is.
Þeir sem vilja fá millisafnalán í gegnum Amtsbókasafnið þurfa að vera skráðir sem millisafnalánaþegar hjá safninu.
Hafið samband við bókaverði í afgreiðslu eða hringið í síma 460 1250 varðandi það.
Þegar búið er að gera lánþega að notanda millisafnalána hjá Amtsbókasafninu getur hann pantað millisafnalán á gegnir.is.
Það er gert á eftirfarandi hátt:
Lánþegar fara inn á gegnir.is. Þar skrá þeir sig inn með kennitölu og lykilorði. Ef vandræði koma upp við innskráningu þá vinsamlega hafið samband við bókaverði eða hringið í síma 460 1250 .
2. Þú finnur ritið og pantar
Þegar innskráningu er lokið er notandi kominn á Mínar síður. Þá er ritið, sem lánþeginn vill fá
í millisafnalán, fundið undir Leita, Ítarleg leit eða Skipanaleit. Þegar það er fundið er ýtt á hnappinn Panta
millisafnalán og við það koma upp upplýsingar um ritið og eyðublað fyrir millisafnalán. Þar skal fylla út reiti sem eru merktir
með stjörnu og að því loknu er ýtt á hnappinn Panta. Þá birtist tilkynning um að pöntunin hafi verið
móttekin. Pöntunin berst til bókavarða Amtsbókasafnsins sem panta þá ritið hjá því bókasafni sem á ritið.
Þegar ritið kemur svo á safnið er lánþega send tilkynning um það.
Rit sem eru ekki í Gegni
Ef rit finnst ekki í Gegni, þá skal gera eftirfarandi:
Ýtt er á hnappinn Panta millisafnalán og eftirfarandi slegið inn:
Ef um bók er að ræða skal slá inn höfund/ritstjóra, titil, útgáfustað, forlag og útgáfuár. Gott er að hafa ISBN númer rits ef það er þekkt.
Ef um tímarit er að ræða þarf að slá inn fullan titil tímarits eða staðlaða skammstöfun, ár, bindi, hefti, höfund, titil greinar og blaðsíðutal.
Afgreiðslutími millisafnalána
Í langflestum tilvikum eru rit komin frá innlendum söfnum innan tveggja til fimm sólarhringa en
bíða þarf allt frá fimm til tíu dögum, upp í nokkrar vikur eftir bókum erlendis frá. Hvert eintak sem fengið er frá
bókasafni innanlands kostar 1000 kr og 2000 kr sé það fengið hjá bókasafni erlendis frá. Millisafnalánin eru borguð
þegar þau eru sótt.
Lánstími rita
Algengasti lánstími frá innlendum söfnum er vikutími eða minna. Allt að fjórar vikur getur tekið að fá gögn erlendis frá.
Bækur sem mikil eftirspurn er eftir má þó yfirleitt ekki hafa nema í tvær vikur. Afar mikilvægt er að skilafrestur bóka sem fengnar eru með
þessum hætti sé virtur. Í sumum tilfellum er hægt að fá lánstíma framlengdan en það veltur á safninu sem á
bókina og beiðni um slíkt þarf að hafa borist starfsfólki millisafnalána áður en lánsfrestur rennur út.
