Lestrarsalur:
Lestrarsalur safnsins er staðsettur á 1. hæð og er hann opinn frá klukkan 10:00-19:00 alla virka daga og 11:00-16:00 á laugardögum. Lokað er á sunnudögum.
Lestrarsalur er öllum opinn án tillits til aldurs, svo framarlega sem reglum hans er framfylgt. Á lestrarsal skal t.d. ríkja algjör þögn.
Á lestrarsal eru 18 lesbásar til afnota fyrir gesti. Í hverjum bás er tengi fyrir tölvur. Á salnum er einnig þráðlaus nettengin og geta gestir því komið með sínar eigin fartölvur og notað þær við vinnu sína.
Orðabækur og nokkurt magn alfræðirita og atlasa eru í hillum í lestrarsal. Þau eru eingöngu til afnota í lestrarsal.
Netið:
Gestum safnsins gefst kostur á ókeypis aðgangi að internetinu. Um er að ræða átta tölvur í kaffiteríunni og tvær inni á lestrarsal. Ekki er hægt að panta tíma fyrirfram, heldur fær safngestur sem framvísar sínu eigin bókasafnsskírteini miða sem veitir ókeypis aðgang í klukkustund. Hægt er að kaupa aukaklukkustund fyrir 300 kr. Tölvurnar inni á lestrarsal bjóða upp á frjálsari aðgang heldur en tölvurnar í kaffiteríunni (engin sía eða vörn) og þarf að biðja um sérstaka miða fyrir þannig aðgang við afgreiðsluna fyrir framan lestrarsalinn.
Auk þess að geta farið ókeypis á netið, gefst safngestum kostur á að nota tölvur til ritvinnslu. Um er að ræða sömu tölvur og internetið er tengt við. Í tölvunum eru algengustu ritvinnsluforrit, Word, Excel o.fl.
Hægt að prenta út úr tölvunum og kostar hvert blað 35 krónur.
Auk þess er hægt að fá keyptar diskettur og geisladiska á safninu.
Leitartölvur:
Upplýsingar um safnkost eru aðgengilegar í gagnagrunni safnsins. Þar sést hvað er til, hvar staðsett og hvað er hægt að fá lánað. Rétt er að árétta að ekki er lokið við að skrá allan safnkost safnsins.
Leitartölvur eru staðsettar á báðum hæðum safnsins og er starfsfólk reiðubúið að veita safngestum aðstoð við leit þegar þess gerist þörf.
