Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi, opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti.
Næstu skref okkar allra:
- Snyrtum garða og gróður í kringum heimili og vinnustaði.
- Tínum rusl utan lóðarmarka, við næsta göngustíg og/eða á nálægu útivistarsvæði.
Gámar fyrir garðaúrgang verða staðsettir á eftirtöldum stöðum frá 9. maí til og með 19. maí:
· Bugðusíða við leiksvæði
· Aðalstræti sunnan Duggufjöru
· Bónus við Kjarnagötu
· Bónus Langholti
· Krambúðin Byggðavegi
· Nettó Hrísalundi
· Ráðhús Geislagötu
Bæjarbúar eru hvattir til að nýta gámana en einnig er tekið við garðaúrgangi og fleiru á gámasvæðinu við Réttarhvamm og á móttökustöðinni Hlíðarvöllum við Rangárvelli.
Afgreiðslutími gámasvæðisins við Réttarhvamm breytist þegar sumaropnun tekur gildi 16. maí og verður þá opið virka daga klukkan 13–20.
Vetraropnun
Frá 16. ágúst til 15. maí
Mánudagar til föstudagar kl. 13–18
Laugardagar og sunnudagar kl. 13–17
Sumaropnun
Frá 16. maí – 31. ágúst
Mánudagar til föstudagar kl. 13–20
Laugardagar og sunudagar kl. 13–17