Stjórn Fasteigna Akureyrarbæjar - 271

Lagt fram erindi frá Íbúðarlánasjóði til sveitarstjórnar dagsett 8. október 2015 þar sem sjóðurinn býður sveitarfélaginu til viðræðna um kaup á eignum sjóðsins í sveitarfélaginu.

Stjórn Fasteigna Akureyrarbæjar felur framkvæmdastjóra að fara í viðræður við Íbúðalánasjóð.

Farið yfir þær upplýsingar sem liggja fyrir varðandi móttöku flóttamanna til Akureyrar og þau verkefni sem liggja fyrir hjá Fasteignum Akureyrarbæjar er það varðar.

Kynning á viðurkenningu fyrir gott aðgengi sem Fasteignum Akureyrarbæjar var afhent á alþjóðlega degi fatlaðra fimmtudaginn 3. desember sl.

Stjórn Fasteigna Akureyrarbæjar fagnar viðurkenningunni og því hvernig til tókst með framkvæmdina.

Hermann Ingi Arason áheyrnarfulltrúi V-lista mætti á fundinn kl. 08:30.

Lögð fram til kynningar útboðsgögn vegna efniskaupa útboðs hjá Fasteignum Akureyrarbæjar.

Tekinn fyrir 3. og 5. liður úr fundargerð hverfisráðs Grímseyjar dagsett 2. september 2015:

3. Nýverið fengum við höfnun á beiðni um sparkvöll í eyna. Það þykir okkur afar leitt þar sem íþróttaaðstaða í eynni er engin og útileikjaaðstaða fyrir börn af afar skornum skammti. Tvö mörk eru á bletti fyrir utan félagsheimilið en í miðjum þeim "velli" er niðurfall og boltar fjúka gjarnan niður í fjöru. Það vantar sárlega bætta útiaðstöðu til leikja.

5. Félagsheimilið í eynni þarfnast yfirferðar. Til að mynda er dúkurinn í salnum ónýtur og vandamál í lögnum.

Viðhald á Múla er á fjárhagsáætlun næsta árs og auk þess munu Fasteignir Akureyrarbæjar yfirfara leikskvæðið.

Eftirfarandi verkfundargerðir lagðar fram á fundinum:

Listasafn endurbætur: 6. og 7. fundur verkefnisliðs dagsettir 12. og 27. nóvember 2015.

NSK-ÍÞH: 9. og 10. verkfundur dagsettir 13. og 27. nóvember 2015.

Þ99 kjallari: 13.- 15. verkfundur dagsettir 9., 16. og 26. nóvember 2015.