Ungmennaráð
Fundur 7. maí 2013 kl: 17-18.30
Fundarherbergi á 2. hæð í Rósenborg
Nefndarmenn Starfsmenn
Bernódus Óli Kristinsson Anna Guðlaug Gísladóttir
Harpa Lind Þrastardóttir Linda Björk Pálsdóttir
Heiða Hlín Björnsdóttir
Jens Sigmundur Esra Gunnbjörnsson
Sindri Snær Konráðsson
Þórkatla Haraldsdóttir
1. Áheyrnarfulltrúar
Samfélags- og mannréttindaráð hefur tekið fyrir ósk ungmennaráðs um áheyrnarfulltrúa á fundum ráðsins og hefur eftirfarandi svar borist. Samfélags- og mannréttindaráð leggur til að ungmennaráð eigi fulltrúa á fjórum fundum á ári, bæði formlegum fundum og vinnufundum og að fulltrúi samfélags- og mannréttindaráðs komi inn á fund ungmennaráðs tvisvar á ári.
2. Með lýðræði skal land byggja
Lýðræðis verkefnið með Fjallabyggð og Dalvík gekk mjög vel og þátttakendur voru allir mjög ánægðir. Ungmennaráðið gæti hugsanlega haldið álíka vinnuhelgi fyrir Akureysk ungmenni.
3. Fjölgun funda
Tillaga um að fjölga fundum ráðsins var samþykkt samhljóða.
4. Bæjarstjórnarfundur
Ungmennaráð hefur óskað eftir því að sitja bæjarstjórnarfund og mun hann verða 19. júní.
5. Íþróttamannvirki
Akureyri stendur vel að vígi þegar kemur að aðstöðu til íþróttaiðkunar í bænum og er ráðið mjög ánægt með það. Þó má bæta aðstöðu ýmissa jaðaríþrótta.