Frístund
Frístund er í boði í öllum grunnskólum Akureyrarbæjar fyrir börn frá 1. – 4. bekk eftir skólatíma, til kl. 16:15. Að auki er frístundastarf í boði fyrir fötluð börn með miklar stuðningsþarfir í 5.-10. bekk í Brekkukoti, sjá nánar neðst á síðunni.
Staðfest skráning gildir út allt skólaárið en foreldrar geta breytt dvalartíma fyrir 20. hvers mánaðar á undan. Lengd viðvera er í boði flesta skólafrídaga eins og t.d. viðtalsdaga, starfsdaga, haust/vetrarfrí, jóla- og páskafrí. Skrá þarf nemendur sérstaklega þá daga sem lengd viðvera er í boði og er greitt fyrir hana samkvæmt gjaldskrá Akureyrarbæjar.
Sótt er um tekjutengdan afslátt inn á Þjónustugátt Akureyrarbæjar. Afslátturinn er veittur af vistunartíma í frístund (en ekki fæðiskostnaði) og er reiknaður út frá tekjum og hjúskaparstöðu samkvæmt skattframtali síðasta árs.
Hafa samband við frístund
| Skóli | Símanúmer |
|---|---|
| Brekkuskóli | 414-7979 |
| Giljaskóli | 462-4825 |
| Glerárskóli | 461-1253 |
| Lundarskóli | 462-4560 |
| Naustaskóli | 460-4111 |
| Oddeyrarskóli | 460-9557 |
| Síðuskóli | 461-3473 |
Frístund fyrir fötluð börn
Mikið fötluð börn á aldrinum 10 – 16 ára eiga rétt á lengdri viðveru eftir skóla til kl. 17:00. Markmið þjónustunnar er að veita börnunum öruggt umhverfi að skóladegi loknum þar sem hlúð er að grunnþörfum þeirra með virkri þátttöku barnanna.