Punkturinn handverksmiðstöð

Aðalmarkmið Punktsins er að gera börnum og fullorðnum kleift að sækja námskeið í handverki hjá fag- eða listafólki.

Á barnanámskeiðum er lögð áhersla á sköpun, útiveru og forvitni á náttúru og vísindum. Lagt er upp með að öllum grunnskólabörnum sé gert kleift að sækja tómstundastarf eftir að skóladegi lýkur.

Fullorðinsnámskeiðin hvetja til sjálfstæðra vinnubragða og veita undirstöðuþekkingu á hverskonar handverki. Eftir að námskeiði lýkur er hægt að nýta aðstöðuna og fá leiðsögn og aðstoð hjá starfsfólki Punktsins.

Smelltu hér til að fara á facebook síðu Punktsins. 

Barnanámskeið

Í Punktinum eru haldin barnanámskeið frá september til maí hvert ár.

Öll börn sem eru í 4.-7. annars vegar og 8-10 bekk hinsvegar fá afhentan bækling með upplýsingum um tómstundastarfið.

Smelltu á hlekkina hér fyrir neðan til þess að skoða bæklinga með námskeiðsframboði fyrir börn vorið 2019:

Brekkuskóli Naustaskóli
Giljaskóli Oddeyrarskóli
Glerárskóli Síðuskóli
Lundarskóli  

 

Skráning

Skráning á námskeiðin fer fram á https://www.matartorg.is/

Ef óskað er eftir aðstoð má einnig senda póst á tomstund@akureyri.is

Skráning á biðlista með tölvupósti.

Námskeiðsgjald

Við skráningu er jafnframt gengið frá greiðslu.

Námskeiðsgjald er ekki endurgreitt, nema ef um veikindi er að ræða.

Frístundastyrkur:

Ef óskað er eftir að nota frístundarstyrk Akureyrarbæjar fyrir námskeið, þarf að senda tölvupóst á tomstund@akureyri.is

Frístundastyrkurinn árið 2019 er kr. 35 þúsund. Nánari upplýsingar um frístundastyrk Akureyrarbæjar er að finna hér.

Fullorðinsnámskeið

Smelltu hér til að fara á skráningarsíðu þar sem er að finna yfirlit yfir námskeið í boði.

Við skráningu er jafnframt gengið frá greiðslu.

Opnunartími

 

Mánudaga 13:00 - 17:00

Þriðjudaga 09:00 - 17:00

Miðvikudaga 09:00 - 17:00

Fimmtudaga 13:00 - 22:00

Föstudaga 09:00 - 12:00

 

Starfsfólk 

Forstöðumaður tómstundamála er Bergljót Jónasdóttir, sími: 460 1238, 861 4021

Umsjónarmaður Punktsins er Halla Birgisdóttir (hallabirgis@akureyri.is)

Aðrir starfsmenn:
Guðrún Björg Eyjólfsdóttir, list- og handverksleiðbeinandi
Arnar Yngvason list- og handverksleiðbeinandi / húsvörður

Aðstaða

Leirstofa er opin fyrir almenning nema þegar það eru námskeið.

Glerstofa er opin fyrir almenning nema þegar það eru námskeið.

Saumastofa er opin alla virka daga til afnota. Við erum með nokkrar saumavélar, gott sníðaborð, overlock vélar og leðursaumavél.

Allrahandastofa er opin til að vinna sjálfstætt alla virka daga. Hér er unnið í þæfingu, skiltagerð, tauþrykk og margt fleira.

Smíðastofa er opin fyrir almenning nema þegar það eru námskeið og eingöngu fyrir þá sem eru vanir vélum eða treysta sér til að vinna sjálfstætt.

Gjaldskrá:

Aðstöðugjald 500,- á dag
67 ára og eldri 0
Yngri en 18 ára 0
Öryrkjar/atvinnulausir 0
10 miða kort 4.000
3 mánaða kort 10.000
Árskort 20.000

Saga Punktsins

Í janúar 1994 boðaði Akureyrarbær atvinnulaust fólk í bænum til fundar í Íþróttahöllinni. Tilefnið var að kanna áhuga á stofnun alhliða handíðaverkstæðis til tómstundaiðju með kennslu/leiðbeiningum fyrir atvinnulaust fólk. Til fundarins mættu liðlega 50 manns, undirtektir voru góðar og fundurinn kaus 10 manna nefnd úr sínum röðum til að vinna að málinu með stuðningi ýmissa aðila hjá Akureyrarbæ. Hópnum var afhent húsnæði á Gleráreyrum þar sem skóverksmiðjan Strikið hafði verið til húsa. Strax var hafist handa við að safna áhöldum og öðru sem þurfti til, til að koma upp vinnuaðstöðu. Staðnum var gefið nafnið Punkturinn.

Með góðum stuðningi og velvilja stofnana, félaga, og fyrirtækja og ekki síst einstaklinga tókst að fá að láni öll helstu tæki sem þurfti. Hvar sem borið var niður var einstökum velvilja og hlýhug að mæta. Einnig bárust fjárstyrkir frá opinberum aðilum svo sem Akureyrarbæ, ráðuneytum og verkalýðsfélögum. Á fyrsta starfsári tók Akureyrarbær alfarið við rekstrinum og var íþrótta- og tómstundaráði falið að hafa yfirumsjón með uppeldinu. Í dag hefur starfsemin þróast út í að það að þjóna öllu því fólki sem áhuga hefur á hverskonar handverki og tómstundavinnu. Áfram er unnið í anda þeirrar hugsjónar sem upphaflega var lagt af stað með, þ.e. að gefa fólki möguleika á því að læra eða finna upp hjá sér sjálfu ákveðna verkþætti og nýta sér þá.

Punkturinn hefur tileinkað sér eitt ákveðið verkform öðru fremur og það er að viðhalda gamalli verkþekkingu. Sú vinna er mjög mikilvæg í samfélagi eins og okkar þar sem breytingar eru svo örar að það getur reynst erfitt að halda við þeirri verkþekkingu sem var notuð fyrir ekki svo margt löngu.

Handverks- og tómstundamiðstöðin Punkturinn hefur sannað tilverurétt sinn í þeirri miklu flóru sem tómstundastarf á Akureyri býður upp á.
Starfsemin hefur byggst upp á fjórum grunnþáttum sem eru vefnaður, smíðar, saumaskapur og leirmótun. Auk þess hafa verið haldin mörg námskeið í ýmsun list- og handverksgreinum. Það er stefna staðarins að sköpunargleðin sitji í fyrirrúmi. Látum tuskurnar verða að litfögrum mottur, viðarkubbinn að fallegri skál. Mótum gljáfægðan vasa úr gráum leirnum og sníðum klæðin í kjóla og kápur eða jakka og buxur.

Hafðu samband

Sími 460-1244.

Netfang: punkturinn@akureyri.is

Smelltu hér til að fara á facebook síðu Punktsins.

 

Síðast uppfært 25. janúar 2019