Stuttmyndakeppnin Stulli

Stuttmyndakeppnin Stulli verður haldin 1. nóvember í Ungmennahúsinu á Akureyri á vegum Félagsmiðstöðva Akureyrar og Ungmennahússins. Ungmenni á aldrinum 13-20 ára mega senda inn mynd í keppnina. Síðasti skiladagur á myndunum er 31. október og mega þær ekki vera lengri en sjö mínútur. Vinningshafi keppninnar vinnur sér inn ferð á stuttmyndakeppnina Laterna Magica sem haldin verður í Noregi á næsta ári. Fyrir keppnina verður haldið námskeið í stuttmyndagerð fyrir áhugasama og verður það í Rósenborg fimmtudaginn 20. október frá klukkan 20-22. Elvar Örn Egilsson sem er útskrifaður úr kvikmyndaskóla Íslands og vinnur á sjónvarpsstöðinni N4 verður leiðbeinandi á námsskeiðinu.

Des Nóv Okt Sep Ágú Júl Jún Maí Apr Mar Feb Jan