Fristundastyrkur 2016.

Frá árinu 2006 hefur Akureyrarbær veitt styrk til allra barna og unglinga á Akureyri til niðurgreiðslu þátttökugjalda hjá íþrótta-, tómstunda- og æskulýðsfélögum á Akureyri. Styrkurinn tekur gildi árið sem barnið verður 6 ára og fellur úr gildi árið sem unglingurinn verður 18 ára.

Til að nota frístundastyrkinn skal fara inn á heimasíðu þess íþrótta-, tómstunda- og/eða æskulýðsfélags þar sem skrá á barn til þátttöku. Þar er hlekkur inn á skráningarsíðu þar sem foreldrar skrá iðkendur. Í lok skráningar- og greiðsluferilsins geta foreldrar valið um að nota frístundastyrkinn frá Akureyrarbæ til niðurgreiðslu gjalda.

Íþrótta-, tómstunda- og æskulýðsfélögin veita aðstoð og upplýsingar um skráningu, greiðslu og notkun frístundastyrks hjá hverju félagi fyrir sig.  

  • Árið 2016 gildir styrkurinn fyrir börn fædd árið 1999 til og með 2010
  • Frístundastyrkurinn gildir frá 1. janúar til 31. desember ár hvert.
  • Frístundastyrkurinn árið 2016 er kr. 16.000.-

Nánar hér

Des Nóv Okt Sep Ágú Júl Jún Maí Apr Mar Feb Jan