Atvinnumál ungs fólks

Akureyrarbær kappkostar að koma til móts við þarfir ungs fólks í atvinnuleit. 

Hér að neðan eru nánari upplýsingar um það sem er í boði: 

Atvinnuátak fyrir 18 - 25 ára

Undanfarin ár hefur Akureyrarbær boðið skólafólki, sem ekki hefur tekist að verða sér út um sumarvinnu, vinnu í 5 vikur í 7 tíma á dag, samtals 175 vinnustundir.

Ungmennum með lögheimili á Akureyri á aldrinum 18-25 ára (fædd 1994-2001) er gefinn kostur á að sækja um þessa vinnu.

Í boði eru tvö tímabil og eru umsækjendur beðnir að setja inn óskatímabil sitt í athugasemdir í umsókninni. 

Fyrra tímabil: 13.06.–19.07.2019
Seinna tímabil: 15.07.–20.08.2019

Auglýst er eftir ungmennum í atvinnuátak í júní ár hvert.

Nánari upplýsingar veita Orri Stefánsson (orri@akureyri.is) í síma 460 1249 og Lísbet Grønvaldt (lisbetb@akureyri.is) í síma 460 1234.

Einungis er tekið á móti rafrænum umsóknum á heimasíðu Akureyrarbæjar, www.akureyri.is. 

Vinnuskólinn

Vinnuskólinn hóf störf á Akureyri árið 1951.

Vorið 2018 var vinnuskólinn í fyrsta sinn starfræktur undir samfélagssviði.

Smelltu hér til að finna allar nánari upplýsingar um vinnuskólann.

Virkið - ungir atvinnuleitendur

Virkið er samstarfsverkefni 14 stofnana á Akureyri, staðsett á 4. hæð í Rósenborg.

Tilgangur Virkisins er að virkja unga atvinnuleitendur til aukinnar þátttöku í samfélaginu. Hlutverk Virkisins í því ferli er að veita víðtækan stuðning, leiðbeiningar og aðstoð. Þjónustan er þverfagleg og miðast við aldurshópinn 16 til 25 ára.

Virkið er opið þriðjudaga og fimmtudaga frá kl. 9-12.

Hafa samband: 

Beinn sími: 460 1240

Starfsfólk:

Kristján Bergmann Tómasson (kbergmann@akureyri.is)

Gunna Þórs (gunnathors@akureyri.is)

Skapandi sumarstörf

Akureyrarbær býður skapandi sumarvinnu fyrir 18-25 ára ungmenni í fimm vikur. Unnið er sjö tíma á dag virka daga, samtals 175 vinnustundir. Árið 2019 gefst ungmennum sem fædd eru á árunum 1994-2001 og hafa lögheimili á Akureyri kostur á að sækja um þessa vinnu.

Í boði eru tvö tímabil og eru umsækjendur beðnir að setja inn sitt óska tímabil í athugasemdir í umsókninni.

Fyrra tímabil: 13.06.–19.07.2019
Seinna tímabil: 15.07.–20.08.2019

Verkefni sumarsins:

Áhersla verður á samþættingu mismunandi listforma, til að mynda ljósmyndunar, gjörninga, skúlptúrs, hönnunar, tónlistar, vídeólistar, teikningar og fleira. Starfsmenn munu njóta handleiðslu verkefnastjóra sem er myndlistarmaður. Nánari áherslur, verkefni og markmið starfsins í sumar verða unnin í sameiningu af starfsmönnum og verkefnastjóra.

Hæfniskröfur:

Leitað er að listrænum einstaklingum sem hafa áhuga á að efla listsköpun sína og hafa áhuga á mismunandi listgreinum.

Einungis er tekið á móti rafrænum umsóknum á heimasíðu Akureyrarbæjar, www.akureyri.is.

Nánari upplýsingar veitir Kjartan Sigtryggsson  kjartan@akureyri.is

Sumarvinna með stuðningi

Sumarvinna með stuðningi felur í sér víðtækan stuðning við þá sem hafa skerta vinnugetu vegna andlegrar og/eða líkamlegrar fötlunar, aðstoð við að finna starf við hæfi, þjálfun á vinnustað ásamt eftirfylgd.

Þjónustan er einstaklingsbundin þar sem þess er gætt að velja saman starfsmann og starf. Einstaklingurinn fær aðstoð við að læra vinnubrögð og mynda tengsl á vinnustað. 

Auglýst er eftir umsækjendum í sumarvinnu með stuðningi á hverju vori. 

 

Síðast uppfært 28. maí 2019