Hugmyndafræði og stefna

BollagerðStefna Öldrunarheimila Akureyrar er samofin stefnu Akureyrarbæjar um þjónustu og starfsmannamál sbr. Þjónustustefnu, Mannauðsstefnu og Jafnréttisáætlun. Allir þættir í starfsemi Öldrunarheimila Akureyrar stefna markvisst að því að tryggja íbúum vistlegt heimili, hjúkrun, þjálfun og aðhlynningu eftir þörfum hvers og eins og að veita ávallt bestu mögulegu þjónustu með sérstaka áherslu á vellíðan og ánægju íbúa.
hressar konur á ÖA

 

Gildi Öldrunarheimila Akureyrar eru grundvölluð á Eden hugmyndafræðinni: Umhyggja, virðing, samvinna og gleði. Umhyggja felst í virðingu fyrir manneskjunni sjálfri, sjálfstæði hennar og velferð. Sem endurspeglast í góðri samvinnu milli starfsfólks, íbúa, aðstandenda og annarra notenda þjónustunnar. Gleðin er í senn uppspretta og afrakstur uppbyggilegra samskipta. Augnablikið er tækifæri sem er mikilvægt að nýta.

Síðast uppfært 16. maí 2017