Askjan - fjölskyldustuðningur

Þann 1. október 2014 voru sameinuð þrjú úrræði á fjölskyldudeild, nú fjölskyldusvið, en þau voru tilsjón, stuðningurinn heim og ADHD ráðgjöf. Úrræðið fékk heitið Askjan og er markmið þess að veita markvissa aðstoð til barnafjölskyldna inn á heimili þeirra. Um er að ræða ýmsa fræðslu og ráðgjöf er varðar uppeldi og heimilishald. Markhópurinn er foreldri/foreldrar sem eiga í erfiðleikum með uppeldishlutverkið, ýmist vegna aðstæðna foreldranna sjálfra, erfiðleika hjá barninu eða umhverfisþátta. Þjónustan er fyrst og fremst í formi heimsókna inn á heimili og gerður er markmiðsbundinn samningur milli foreldra og Fjölskyldusviðs um þá þjónustu sem veita skal. Fjölskyldum sem telja sig geta nýtt þjónustuna er vísað í Öskjuna af starfsmanni barnaverndar, félagsþjónustu eða sérfræðiþjónustu leik- og grunnskóla. Inntökuteymi skipað einum starfsmanni úr hverju teymi metur, forgangsraðar og úthlutar málum til starfsmanna Öskjunnar. 

 

Bæklingur 

Síðast uppfært 10. maí 2017
Fannst þér efnið á síðunni hjálplegt?