Ráðgjöf iðjuþjálfa

Aðsetur Glerárgata 26, 2.hæð, 600 Akureyri
Sími 460 1447
Bréfasími 460 1414
Afgreiðslutími Virka daga milli kl. 8 og 16
Tengiliður Jóhanna Mjöll Björnsdóttir, iðjuþjálfi, netfang: johannab@akureyri.is

 

Iðjuþjálfi veitir þeim bæjarbúum sem það þurfa ráðgjöf inn á heimili.

Starfið felur í sér víðtæka ráðgjöf við einstaklinga með fötlun af margvíslegum toga svo og aldraða með ýmis konar iðjuvanda.

Iðjuþjálfi á Búsetusviði vinnur í teymi sem metur þörf á heimaþjónustu, félagslegri liðveislu, ferliþjónustu og heimahjúkrun og tekur þátt í mati á þjónustuþörf.

Starf iðjuþjálfa felur m.a. í sér heimilisathugun, ráðgjöf fræðslu, mat á þörf fyrir hjálpartæki sem og önnur úrræði. Ef þörf er á hjálpartæki er það valið í samráði við viðkomandi einstakling. Iðjuþjálfi sækir um hjálpartæki til Tryggingarstofnunar ríkisins ásamt því að leiðbeina og þjálfa í notkun tækisins.

Iðjuþjálfi skipuleggur og hefur umsjón með vinnuvistfræðilegri ráðgjöf og þjálfun starfsfólks heimaþjónustu, sambýla og annarra starfsmanna.

Iðjuþjálfi vinnur með það að leiðarljósi að viðkomandi geti sem lengst dvalið heima og þar með viðhaldið sjálfstæði sínu við athafnir daglegs lífs lengur en ella og aukið þar með lífsgæði sín.

Umsóknir:  Sótt er um ráðgjöf á eyðublöðum sem liggja frammi í afgreiðslu búsetusviðs og hér  
Senda má umsóknir sem viðhengi í tölvupósti á netfangið afgreidslabusetusvid@akureyri.is
Beiðnir um ráðgjöf eru teknar fyrir á deildarfundi einni sinni í viku.

Síðast uppfært 02. maí 2017
Fannst þér efnið á síðunni hjálplegt?