Heimsendur matur

Þeir sem ekki geta annast matseld sjálfir eiga kost á að fá heimsendan mat. Boðið er upp á mat í hádeginu alla daga vikunnar (líka um helgar og hátíðisdaga) og er honum ekið til notenda frá dvalarheimilinu Hlíð. Greitt er samkvæmt gjaldskrá sem hægt er að nálgast hér neðar á síðunni.

Umsóknir um heimsendan mat skulu berast til búsetusviðs Akureyrarbæjar á umsóknareyðublöðum um heimaþjónustu.
Eyðublöðin er hægt að fá á búsetusviði og í þjónustuveri Akureyrarbæjar Geislagötu 9. Einnig er hægt að nálgast þau hér neðar á síðunni og má senda sem viðhengi í tölvupósti á netfangið busetusvid@akureyri.is.

Starfshópur sem skipaður er af sviðsstjóra búsetusviðs metur þjónustuþörf.

Allar óskir um breytingar og tilkynningar um fjarveru þurfa að berast til afgreiðslu búsetusviðs  (fyrir kl. 10:00 ef breytingin á að verða samdægurs). Skrifstofa búsetusviðs er opin alla virka daga kl. 9:00-15:00 og síminn er 460-1410. Einnig er möguleiki að senda tölvupóst á netfangið busetusvid@akureyri.is

• Umsóknareyðublað
• Gjaldskrá heimaþjónustu 2018, þ.á.m heimsendur matur
• Matseðil má finna á heimasíðu öldrunarheimilanna, sjá "Matseðill" á síðunni