Félagsstarf 60+

Mynd af Víðilundi 22Akureyrarbær rekur líflegt og skemmtilegt starf í þjónustu- og félagsmiðstöðinni í Víðilundi 22 og í Bugðusíðu 1.

Félagsmiðstöðvarnar eru opnar fólki frá 60 ára aldri. Starfsemin er í stöðugri þróun með það að leiðarljósi að skapa fjölbreytni og mæta þörfum þeirra sem þangað sækja.

Opið er alla virka daga frá kl. 08:50 – 15:45, aðgangur ókeypis.

Í boði er fjölbreytt starfsemi, ýmiskonar námskeið, handverk, afþreying af ýmsu tagi og hreyfing auk fjölbreyttra viðburða. Bæklingur um starfsemi félagsmiðstöðvanna liggur frammi á báðum stöðum og í þjónustuveri bæjarins í Ráðhúsinu Geislagötu 9.

Í félagsmiðstöðvunum er starfandi notendaráð sem í sitja fimm fulltrúar og þrír varamenn. Kosið er í ráðið á hverju vori úr virkum hópi þeirra sem sækja staðina. Hlutverk notendaráðs er að vera talsmenn fólksins sem nýtir félagsmiðstöðvarnar og taka við ábendingum og tillögum um starfsemina. Einnig hefur ráðið veg og vanda að ýmsum viðburðum í samvinnu við forstöðumann og starfsfólk félagsmiðstöðvanna.

Mynd af Bugðusíðu 1Félag eldri borgara á Akureyri (EBAK) hefur aðsetur í Bugðusíðu 1 og vinnur í nánu samstarfi við forstöðumann og starfsfólk að uppbyggingu og starfsemi félagsmiðstöðvanna beggja á Akureyri.

Einnig er boðið upp á félagsstarf í Hlíð fyrir þá sem þar dvelja.

Bæklingur haust 2020

Verðskrá fyrir Víðilund og Bugðusíðu 2021

Aðsetur:                   Félagsmiðstöð við Víðilund 22 og Félagsmiðstöð við Bugðusíðu 1.
Opnunartími:          Alla virka daga kl. 08:50 – 15:45.
Sími:                         Víðilundur 462-7998 / Víðilundur eldhús 595-8021 /Bugðusíða 462-6055.
Forstöðumaður:     Forstöðumaður er Bjarki Ármann Oddsson, netfang: bjarki.armann.oddsson@akureyri.is

 

Síðast uppfært 10. júní 2021