Endurhæfingarteymi heimaþjónustu

Endurhæfing í heimahúsi er fyrir einstaklinga sem hafa sótt um félagslega heimaþjónustu og matsteymi vísar áfram í endurhæfingarteymi.

Í endurhæfingarteyminu eru  iðjuþjálfi sem jafnframt er verkefnastjóri,  sjúkraliði og félagsliði. Iðjuþjálfi metur og skipuleggur þjónustu með skjólstæðingi, og sjúkra- og félagsliði framfylgja áætluninni.  Auk þess eru hjúkrunarfræðingur heimahjúkrunar og félagsráðgjafi Fjölskyldusviðs teyminu til ráðgjafar.

• Endurhæfing innan heimaþjónustu er sérsniðin að þörfum hvers og eins. Í upphafi setja skjólstæðingur og iðjuþjálfi saman markmið sem verða grunnur þjónustunnar.

• Ákveðin iðjumiðuð matstæki eru notuð til að greina iðjuvanda og forgangsraða þeim verkefnum sem þarf að vinna með og er skjólstæðingnum mikilvægt.

• Þjónustuáætlun er gerð í upphafi og miðast að tímabundinni þjálfun í 4 til 12 vikur.  Þjónustuáætlunin er breytileg eftir því sem færni skjólstæðingsins eykst eða breytist.

• Markmið þjónustunnar er að auka sjálfsbjargargetu og valdefla skjólstæðing til þátttöku í samfélaginu í gegnum orkusparandi  vinnuaðferðir, þjálfun, ráðgjöf, notkun hjálpartækja og velferðartækni og auka þau bjargráð sem gerir honum kleift að verða sjálfstæður í athöfnum daglegs lífs.

• Þjálfunin fer fram á heimili skjólstæðings en einnig er lagt mat á mikilvæga þætti í umhverfinu sem geta haft áhrif á færni og virkni.

Verkefnastjóri endurhæfingarteymis er Guðrún Sonja Kristinsdóttir:  gudrunsonja@akureyri.is  sími: 460 1411