Akstursþjónusta

Akstursþjónusta Akureyrarbæjar er ætluð til afnota fyrir þá einstaklinga sem vegna skertrar líkamlegrar og andlegrar færni sem rekja má til fötlunar, sjúkdóma eða aldurs geta ekki nýtt sér almenningssamgöngur til lengri tíma en þrjá mánuði.

Megintilgangurinn er að notendur akstursþjónustunnar geti stundað vinnu, nám, notið heilbrigðisþjónustu, hæfingar og þjálfunar hvers konar og tómstunda.

Þjónustusvæði akstursþjónustunnar er Akureyri, nær einnig til endurhæfingaraðstöðu í Kristnesi.

Matshópur skipaður af sviðsstjóra velferðarsviðs afgreiðir umsóknir.

Matsteymi velferðarsviðs stuðningsþjónustu metur þörf fyrir þjónustuna en Strætisvagnar Akureyrar sjá um framkvæmd.

Allar beiðnir um akstur eða breytingar á ferðum þurfa að tilkynnast fyrir kl. 15.30 daginn áður en akstur fer fram, í síma 462 5959.

Akstursþjónustan er veitt virka daga kl: 7:30 - 23:30 og er gjaldfrjáls.

Vaktsími ferliþjónustu frá 15:30 – 23:30 á virkum dögum er 840-4167.

Um helgar annast BSO akstursþjónustu sem niðurgreidd er af Akureyrarbæ með sérstökum ferðakortum.

Þar sem BSO er ekki með hjólastólabíl til umráða benda þeir á Jósep Snæbjörnsson til að panta ferliakstur með hjólastól, hægt er að hafa beint samband við hann í síma 845-0090. Akureyrarbær tekur með sama hætti þátt í þeim ferðakostnaði eins og með BSO.

Reglur um akstursþjónustu

Upplýsingabæklingur fyrir notendur akstursþjónustu

Til að sækja um þjónustu er farið í gegnum Þjónustugátt og til þess notuð rafræn skilríki eða Íslykill. Aðstoðarmaður getur sótt um fyrir viðkomandi á sínum rafrænum skilríkjum eða Íslykli en þá þarf að muna að breyta upplýsingum inni á svæðinu.

 

Til að fá frekari upplýsingar og aðstoð skal snúa sér til velferðarsviðs, Glerárgötu 26 (2. og 3. hæð), sími 460 1400, velferdarsvid (hjá) akureyri.is. Opið virka daga kl. 9-15.

 

Síðast uppfært 10. júní 2021