Velferðarráð

1311. fundur 20. nóvember 2019 kl. 14:00 - 17:25 Fundarsalur á 2. hæð í Glerárgötu 26
Nefndarmenn
  • Heimir Haraldsson formaður
  • Róbert Freyr Jónsson
  • Gunnfríður Elín Hreiðarsdóttir
  • Hermann Ingi Arason
  • Lára Halldóra Eiríksdóttir
  • Sigrún Elva Briem áheyrnarfulltrúi
Starfsmenn
  • Kristín Birna Kristjánsdóttir fundarritari
Fundargerð ritaði: Kristín Birna Kristjánsdóttir
Dagskrá

1.Nýjungar í barnavernd

Málsnúmer 2019110208Vakta málsnúmer

Vilborg Þórarinsdóttir forstöðumaður kynnti nýjungar í barnavernd.

Guðrún Sigurðardóttir sviðsstjóri fjölskyldusviðs sat fundinn undir þessum lið.

2.Fjárhagserindi 2019 - áfrýjanir

Málsnúmer 2019050634Vakta málsnúmer

Gyða Björk Ólafsdóttir félagsráðgjafi á fjölskyldusviði kynnti áfrýjun í fjárhagsaðstoð.

Guðrún Sigurðardóttir sviðsstjóri fjölskyldusviðs sat fundinn undir þessum lið.
Fjárhagserindi og afgreiðsla þeirra eru færð í trúnaðarbók velferðarráðs.

3.KAON - umsókn um rekstrarstyrk

Málsnúmer 2019080501Vakta málsnúmer

Erindi ódagsett, móttekið 28. ágúst 2019, frá Guðrúnu Dóru Clarke fyrir hönd KAON, þar sem óskað er eftir rekstrarstyrk frá Akureyrarbæ að upphæð kr. 2.000.000 á ári næstu fimm ár vegna aukinna útgjalda félagsins.

Guðrún Sigurðardóttir sviðsstjóri fjölskyldusviðs sat fundinn undir þessum lið.
Velferðarráð óskar eftir frekari upplýsingum og felur sviðsstjóra fjölskyldusviðs og formanni verlferðarráðs að vinna málið áfram.

4.Velferðarráð - rekstraryfirlit 2019

Málsnúmer 2019030355Vakta málsnúmer

Guðrún Guðmundsdóttir settur sviðsstjóri búsetusviðs lagði fram til kynningar rekstraryfirlit fyrstu 9 mánuði ársins frá búsetusviði.

Karólína Gunnarsdóttir þjónustustjóri fjölskyldusviðs sat fundinn undir þessum lið.

5.Búsetusvið - gjaldskrá 2020

Málsnúmer 2019090605Vakta málsnúmer

Guðrún Guðmundóttir settur sviðsstjóri búsetusviðs lagði fram tillögu að óbreyttri gjaldskrá fyrir Lautina, athvarf fyrir geðfatlað fólk og 2,5% hækkun gjaldskrár í heimaþjónustu Akureyrarbæjar. Lagt er til að gjaldskrá Lautarinnar verði kaffi/te kr. 100 og hádegismatur verði kr. 600. Fyrir heimaþjónustu verði gjald vegna aðstoðar við almenn heimilisstörf og rekstur erinda hækkað úr kr. 1.357 í kr. 1.391 og gjald vegna heimsends matar hækkað úr kr. 1.302 í kr. 1.335.
Velferðarráð samþykkir samhljóða tillögu að gjaldskrá búsetusviðs fyrir árið 2020.

6.Búsetusvið - möguleg kaup á fasteign við þjónustukjarna í Hafnarstræti

Málsnúmer 2019110309Vakta málsnúmer

Guðrún Guðmundsdóttir settur sviðsstjóri búsetusviðs lagði fram minnisblað um kaup á íbúð í nálægð við þjónustukjarna í Hafnarstræti 28-30.

Karólína Gunnarsdóttir þjónustustjóri fjölskyldusviðs sat fundinn undir þessum lið.
Velferðarráð samþykkir tillögu um kaup á íbúð og vísar erindinu til bæjarráðs.

7.Félagslegt leiguhúsnæði - skipulag fyrir lítil einbýli

Málsnúmer 2019050441Vakta málsnúmer

Umræða um mögulegar lausnir varðandi húsnæðismál fólks með fjölþættan vanda.

Guðríður Erla Friðriksdóttir sviðsstjóri umhverfis- og mannvirkjasviðs, Pétur Ingi Haraldsson sviðsstjóri skipulagssviðs, Anna Marit Níelsdóttir forstöðumaður félagsþjónustu fjölskyldusviðs, Anna Hildur Guðmundsdóttir áfengis- og vímuefnaráðgjafi fjölskyldusvið, Hlynur Már Erlingsson forstöðumaður á búsetusviði og Magnús Valur Axelsson húsnæðisfulltrúi fjölskyldusviðs sátu fundinn undir þessum lið.

Guðrún Sigurðardóttir sviðsstóri fjölskyldusviðs , Karólína Gunnarsdóttir þjónustustjóri fjölskyldusviðs og Halldór S. Guðmundsson framkvæmdastjóri ÖA sátu fundinn undir þessum lið.
Málið var kynnt og rætt.

Sviðsstjóra fjölskyldusviðs falið að vinna málið áfram.



Hermann Ingi Arason V-lista vék af fundi kl. 16:55.

8.Samþætting þjónustu við eldra fólk

Málsnúmer 2019110041Vakta málsnúmer

Lagt fram minnisblað dagsett 3. nóvember 2019 varðandi samþættingu heimaþjónustu og heimahjúkrunar.

Halldór S. Guðmundsson framkvæmdastjóri ÖA, Þórdís Rósa Sigurðardóttir forstöðumaður stoðsviðs og verkefnastjóri á búsetusviði, Karólína Gunnarsdóttir þjónustustjóri fjölskylduviðs og Guðrún Guðmundsdóttir settur sviðsstjóri búsetusviðs sátu fundinn undir þessum lið.
Velferðarráð samþykkir og leggur til við bæjarstjórn að nú þegar verði teknar upp viðræður við heilbrigðisráðuneytið um þróunar- og þjónustusamning um að Akureyrarbær taki að nýju við rekstri heimahjúkrunar á Akureyri.

9.Stefna og áherslur í málefnum einstaklinga með heilabilun/Alzheimer

Málsnúmer 2017080028Vakta málsnúmer

Halldór S. Guðmundsson framkvæmdastjóri ÖA kynnti vinnuskjöl er varða verkefni um styðjandi samfélag fyrir einstaklinga með heilabilun. Verkefnið er hluti af samstarfi og samningi við Alzheimersamtökin og dönsku systursamtökin og gengur út á að í byrjun næsta árs hefjist á Akureyri innleiðingarferli á verkefninu. Áform eru um að starta verkefninu opinberlega þann 31. janúar 2020.

10.Hjúkrunarheimili - nýbygging 2018-2022

Málsnúmer 2018120188Vakta málsnúmer

Halldór S. Guðmundsson framkvæmdastjóri ÖA greindi frá undirbúningsvinnu og stöðu máls, vegna frumathugunar á byggingu á nýju hjúkrunarheimili á Akureyri.

Fundi slitið - kl. 17:25.