Velferðarráð

1245. fundur 18. janúar 2017 kl. 14:00 - 16:30 Fundarsalur á 2. hæð í Glerárgötu 26
Nefndarmenn
  • Erla Björg Guðmundsdóttir formaður
  • Róbert Freyr Jónsson
  • Halldóra Kristín Hauksdóttir
  • Svava Þórhildur Hjaltalín
  • Valur Sæmundsson
  • Guðrún Karitas Garðarsdóttir áheyrnarfulltrúi
Starfsmenn
  • Guðrún Ólafía Sigurðardóttir sviðsstjóri fjölskyldusviðs
  • Karólína Gunnarsdóttir þjónustustjóri
  • Halldór Sigurður Guðmundsson framkvæmdastjóri
  • Laufey Þórðardóttir verkefnastjóri þjónustu
  • María Sigurbjörg Stefánsdóttir fundarritari
Fundargerð ritaði: María Sigurbjörg Stefánsdóttir Velferðarráð
Dagskrá

1.Leiguíbúðir Akureyrarbæjar 2016

2016010028

Lagt fram minnisblað Jóns Heiðars Daðasonar húsnæðisfulltrúa um úthlutun leiguíbúða á síðasta ári og stöðuna um áramót.

Jón Heiðar Daðason húsnæðisfulltrúi mætti á fundinn undir þessum lið.
Jóni Heiðari þakkað fyrir kynninguna.

2.Húsaleigubætur - yfirlit 2016

2017010211

Lagt fram yfirlit vegna greiddra húsaleigubóta á árinu 2016 bæði almennra og sérstakra húsaleigubóta.

Jón Heiðar Daðason húsnæðisfulltrúi mætti á fundinn undir þessum lið.
Jóni Heiðari þakkað fyrir kynninguna

3.Félagsþjónusta - stuðningsfjölskyldur

2015110067

Lögð fram tillaga að breytingum á greiðslum til stuðningsfjölskyldna.
Velferðarráð samþykkir tillögu að breytingum á greiðslum til stuðningsfjölskyldna og vísar málinu til bæjarráðs.

4.Reglur um heimaþjónustu 2017

2017010220

Lögð fram tillaga að breytingum á reglum um heimaþjónustu. Helstu breytingar varða aðlögun að nýlega samþykktri gjaldskrá fyrir félaglega heimaþjónustu og heimsendingu matar.
Velferðarráð samþykkir tillögu að breytingum á reglum um heimaþjónustu og vísar málinu til bæjarstjórnar.

5.Fjárhagsáætlun 2017- velferðarráð

2016080074

Fjárhagsáætlun velferðarráðs fyrir árið 2017 lögð fram til kynningar og farið yfir breytingar sem orðið hafa frá þeim tillögum sem velferðarráð samþykkti.

Dan Jens Brynjarsson sviðsstjóri fjársýslusviðs mætti á fundinn.
Dan Jens Brynjarssyni þakkað fyrir kynninguna.

6.Velferðarstefna 2014 - 2018

2015010191

Umræður um stöðu vinnu við mótun velferðarstefnu og skipulag áframhaldandi vinnu.
Velferðarráð felur Jóni Hróa Finnssyni sviðsstjóra búsetusviðs, Erlu Björgu Guðmundsdóttur formanni velferðarráðs og Sigríði Huld Jónsdóttur bæjarfulltrúa að vinna tillögur að því hvernig háttað skuli vinnu við að ljúka mótun velferðarstefnu ráðsins.

7.ÖA - gæðamatskvarðar - RAI

2016020245

Framkvæmdastjóri ÖA, Halldór S Guðmundsson, lagði fram til kynningar nýja samantekt um þróun gæðavísa hjá ÖA. Slík samantekt hefur reglulega verið unnin og nýtt innan heimilisins en er nú í fyrsta sinn líka birt á heimasíðu ÖA og áformað að svo verði gert árlega.
Halldóri S Guðmundssyni er þakkað fyrir kynninguna.

8.Stofnun starfshóps um næringu aldraðra

2017010190

Á fundi bæjarstjórnar þann 3. janúar 2017 var eftirfarandi bókað:

"Bæjarstjórn óskar eftir því að velferðarráð Akureyrarbæjar hafi forgöngu um stofnun starfshóps um næringu aldraðra sem búa í heimahúsum. Markmið starfshópsins er að greina vandann og koma með tillögur að umbótum. Í starfshópinum verði fulltrúar frá Heilsugæslu, heimahjúkrun, Öldrunarheimilum Akureyrar og öðrum sem að málunum koma".
í kjölfar bókunar frá 3. janúar sl. hefur velferðarráð rætt þessi mál og frestar umræðu til næsta fundar.

9.ÖA - Stefna og starfsemi

2013010214

Framkvæmdastjóri ÖA, Halldór S Guðmundsson, lagði fram til kynningar skýrslu um þróunarverkefni í tímabundinni dvöl sem unnið var á árinu 2016.

Eins og segir á heimasíðu ÖA um verkefni er "Megintilgangur þessa þróunarverkefnis að auka ábyrgð og sjálfstæði einstaklinga, víkja frá hefðbundnu viðhorfi til tímabundinnar dvalar eða flutnings á hjúkrunarheimili sem hefur einkennst af viðhorfi til spítaladvalar. Snúa frá vinnubrögðum þar sem ábyrgð og sjálfstæði einstaklingsins er skert því það getur dregið úr sjálfsábyrgð og sjálfstæði, ýtt undir hjálparleysi/stofnanavæðingu og aukið líkur á að dvalargestir fari heim í lélegra ástandi en þegar þeir komu.

Í þessu verkefni er unnið út frá styrkleikum og reynslu viðkomandi, skoðað hvernig honum hefur tekist að nýta sér þessa þætti í daglegu lífi og gæti nýtt þá í tímabundinni dvöl til að ná þeim væntingum sem hann hefur til dvalarinnar. Hvað það er sem viðkomandi vill/telur sig geta orðið sterkari í og um leið aukið lífsgæði."
Halldóri S Guðmundssyni þakkað fyrir kynninguna.

10.Endurbætur á ÖA. Víði- og Furuhlíð

2013110216

Lagt fram minnisblað dagsett 15. janúar 2017 frá framkvæmdastjóra ÖA, Halldóri S Guðmundssyni, varðandi styrk Framkvæmdasjóðs aldraðra frá 2014 til endurbóta á Víði- og Furuhlíð.

Halldór S Guðmundsson framkvæmdastjóri Öldrunarheimila Akureyrarbæjar kynnti málið.
Velferðarráð harmar að ekki skuli vera mögulegt að veita viðtöku styrk að fjárhæð 52 milljónir til endurbóta Víði- og Furuhlíðar þar sem ekki er gert ráð fyrir framlagi til framkvæmdanna í fjárhagsáætlun. Ráðið leggur áherslu á að Framkvæmdasjóður aldraðra verði upplýstur um stöðu máls. Velferðarráð hvetur til þess að unnin verði ný áætlun um endurbæturnar og að fjármögnunin verði tryggð þegar sótt verður um til Framkvæmdasjóðs aldraðra að nýju.

11.ÖA - fræðsluefni fyrir börn um heilabilun - styrkbeiðni 2016

2017010022

Framkvæmdastjóri ÖA, Halldór S Guðmundsson, greindi frá styrk úr samfélagssjóði Landsbankans að upphæð 250 þús. kr. Styrkurinn er veittur til að útbúa fræðsluefni fyrir börn um heilabilun. Heilabilun er algengur sjúkdómur meðal aldraðra í íslensku samfélagi. Mikilvægt er að fræða aðstandendur og almenning um heilabilun til að koma í veg fyrir fordóma og hræðslu við einstaklinga með heilabilun.
Halldóri S Guðmundssyni þakkað fyrir kynninguna.

12.Fjárhagserindi 2017 - áfrýjanir

2017010078

Snjólaug Jóhannesdóttir félagsráðgjafi kynnti áfrýjun í fjárhagsaðstoð.
Áfrýjanir og afgreiðsla þeirra var færð í trúnaðarbók velferðarráðs.

13.ÖA - undanþágubeiðnir frá kröfulýsingu velferðarráðuneytis

2016120182

Framkvæmdastjóri ÖA, Halldór S Guðmundsson, kynnti þrjár beiðnir sem sendar voru af hálfu ÖA, um undanþágur frá kröfulýsingu velferðarráðuneytisins. Beiðnirnar eru sendar með vísan til rammasamnings um rekstur hjúkrunarheimila.
Halldóri S Guðmundssyni þakkað fyrir kynninguna.

Fundi slitið - kl. 16:30.