Velferðarráð

1229. fundur 04. maí 2016 kl. 14:00 - 15:30 Fundarsalur á 2. hæð í Glerárgötu 26

Nefndarmenn

Sigríður Huld Jónsdóttir formaður
Róbert Freyr Jónsson
Guðlaug Kristinsdóttir
Svava Þórhildur Hjaltalín
Valur Sæmundsson
Guðrún Karitas Garðarsdóttir áheyrnarfulltrúi

Starfsmenn

Guðrún Ólafía Sigurðardóttir framkvæmdastjóri
Bryndís Dagbjartsdóttir fundarritari

Dagskrá

Halldóra Kristín Hauksdóttir B-lista boðaði forföll, Guðlaug Kristinsdóttir mætti í hennar stað.
Guðrún Karitas Garðarsdóttir áheyrnarfulltrúi Æ-lista boðaði forföll, ekki náðist í varamann.

1.Velferðarstefna 2014-2018

Málsnúmer 2015010191 Vakta málsnúmer

Anna Lilja Björnsdóttir verkefnastjóri mætti á fund ráðsins undir þessum lið og kynnti vinnu við gerð velferðarstefnu. Farið yfir stöðu verkefna.

2.Reglur um styrki til náms og verkfæra- og tækjakaupa

Málsnúmer 2010030022 Vakta málsnúmer

Lögð fram tillaga að breytingu á reglum um styrki til náms og verkfæra- og tækjakaupa. Karólína Gunnarsdóttir þjónustustjóri á fjölskyldudeild sat fundinn undir þessum lið.

Velferðarráð samþykkir reglurnar fyrir sitt leyti og vísar þeim til bæjarstjórnar.

3.Aflið - systursamtök Stígamóta - styrkbeiðni - samstarfssamningur 2015

Málsnúmer 2015040043 Vakta málsnúmer

Drög að samstarfssamningi við Aflið lagður fyrir að nýju auk leigusamnings vegna Gamla Spítala - Gudmanns Minde.

Velferðarráð samþykkir fyrirliggjandi samstarfssamning á milli Akureyrarbæjar og Aflsins, samtaka gegn kynferðis- og heimilisofbeldi og vísar honum til bæjarráðs.

Velferðarráð óskar eftir því að fjárheimild vegna Gudmanns Minde, Aðalstræti 14 verði flutt til þess að standa undir kostnaði við samninginn.

Ennfremur samþykkir velferðarráð fyrir sitt leyti fyrirliggjandi húsaleigusamning vegna Gudmanns Minde, Aðalstræti 14.