Velferðarráð

Lagt fram til kynningar yfirlit yfir veitta fjárhagsaðstoð árið 2015.

Katrín Árnadóttir félagsráðgjafi kynnti áfrýjun í fjárhagsaðstoð.

Jón Heiðar Daðason húsnæðisfulltrúi lagði fram til kynningar yfirlit yfir veittar húsaleigubætur á árinu 2015.

Dan Jens Brynjarsson fjármálastjóri sat fundinn undir þessum lið.

Biðlisti eftir leiguhúsnæði bæjarins í lok árs 2015 lagður fram til kynningar.

Dan Jens Brynjarsson fjármálastjóri og Jón Heiðar Daðason húsnæðisfulltrúi sátu fundinn undir þessum lið.

Jón Heiðar Daðason húsnæðisfulltrúi kynnti áfrýjun vegna synjunar á sérstökum húsaleigubótum.

Dan Jens Brynjarsson fjármálastjóri sat fundinn undir þessum lið.

Lögð fram drög að endurskoðuðum reglum um leiguíbúðir Akureyrarbæjar.

Lagt fram erindi til Velferðarráðuneytisins dags. 30. desember 2015, þar sem óskað er eftir að breyta fjórum dvalarrýmum í hjúkrunarrými.

Einnig lagt fram svarbréf og samþykki ráðuneytisins dags. 11. janúar 2016.

Framkvæmdastjóri Öldrunarheimila Akureyrarbæjar, Halldór Guðmundsson, greindi frá ráðningu Lúðvíks Freys Sæmundssonar í stöðu rekstrarstjóra ÖA, í kjölfar þess að Heiðrún Björgvinsdóttir lét af störfum vegna aldurs.

Samhliða þessum breytingum voru gerðar breytingar á verkefnum og starfslýsingu í takti við endurskoðun á skipuriti ÖA.

Framkvæmdastjóri Öldrunarheimila Akureyrarbæjar Halldór Guðmundsson greindi frá breytingum á leigutaka húsnæðis fyrir hárgreiðslustofu hjá ÖA. Amber hárstofa sagði upp samningi frá 31. desember 2015 og í framhaldi leitaði Hafdís Ármann Þorvaldsdóttir þáverandi starfsmaður Amber, eftir að taka við/ganga inn í leigusamninginn og halda áfram rekstri undir vöruverkinu 'hárstúdíó Hafdísar'.

Samningurinn sem fyrir liggur gerir ráð fyrir að fyrri leigusamningur standi óbreyttur að öðru leyti en að samningstími lengist til 31. desember 2018.

Framkvæmdastjóri Öldrunarheimila Akureyrarbæjar Halldór Guðmundsson greindi frá samstarfssamningi við Lyfjaver dagsettum 11. desember 2015 um annan áfanga þróunarverkefnisins um rafræna lyfjaskráningu.

Einnig kynnti framkvæmdastjóri helstu atriði í úttekt sem unnin var innan ÖA um fyrri áfanga og væntingar til næsta áfanga sem hófst í byrjun janúar 2016 og þá hagræðingarmöguleika sem verkefnið skapar.

Lögð fram til kynningar umsókn um styrk til að efla nýsköpun og tækni á sviði velferðarþjónustu, frá Öldrunarheimilum Akureyrarbæjar, búsetudeild Akureyrarbæjar og velferðarsviði Reykjavíkurborgar. Umsóknin var unnin í samstarfi aðila og send velferðarráðuneytinu 30. desember 2015.

Meðal verkefna sem tilgreind eru í umsókninni er að sveitarfélögin hefji markvisst samstarf um innleiðingu og notkun á rafrænu heimaþjónustukerfi, en Reykjavíkurborg hefur markað sér stefnu um þetta. Soffía Lárusdóttir, framkvæmdastjóri búsetudeildar, lýsti áformum um samstarfið og þróunina sem þarf að eiga sér stað til að taka upp virkt heimaþjónustukerfi.