Velferðarráð

Lagt fram til kynningar yfirlit yfir veitta fjárhagsaðstoð fyrstu átta mánuði ársins.

Karólína Gunnarsdóttir þjónustustjóri fjölskyldudeildar og Hlynur Már Erlingsson verkefnastjóri búsetudeildar kynntu hugmynd að ráðningu verkefnastjóra sem hefði það hlutverk að þróa tómstundir og íþróttir fyrir fatlað fólk á Akureyri. Lagt er til að verkefnastjórinn heyri undir samfélags- og mannréttindadeild og að 50% staða verkefnastjóra félagslegrar liðveislu á búsetudeild myndi renna saman við þetta nýja starf.

Soffía Lárusdóttir framkvæmdastjóri og Anna Marit Níelsdóttir verkefnisstjóri búsetudeildar, Guðrún Ólafía Sigurðardóttir framkvæmdastjóri og Karólína Gunnarsdóttir þjónustustjóri fjölskyldudeildar og Halldór Sigurður Guðmundsson framkvæmdastjóri ÖA lögðu fram yfirlit yfir framkvæmdaþörf næstu ára og forgangsröðun þeirra.

Soffía Lárusdóttir framkvæmdastjóri og Anna Marit Níelsdóttir verkefnisstjóri búsetudeildar, Guðrún Ólafía Sigurðardóttir framkvæmdastjóri og Bryndís Dagbjartsdóttir skrifstofustjóri fjölskyldudeildar og Halldór Sigurður Guðmundsson framkvæmdastjóri ÖA lögðu fram fjárhagsáætlun 2016 til umræðu.

Soffía Lárusdóttir framkvæmdastjóri og Anna Marit Níelsdóttir verkefnastjóri búsetudeildar lögðu fram minnisblað dagsett 16. september 2015 um þróun búsetuþjónustunnar og tillögur að skipulagsbreytingum.

Rætt um stofnun stýrihóps um gerð velferðarstefnu fyrir Akureyrarkaupstað.

Rætt um stöðu mála varðandi boð Akureyrarbæjar til að taka á móti flóttamönnum. Formaður samfélags- og mannréttindaráðs óskaði eftir tilnefningu í stýrihóp vegna fyrirhugaðrar móttöku flóttamanna til Akureyrar.