Umhverfisnefnd

105. fundur 09. júní 2015 kl. 10:00 - 11:20 Fundarsalur á 2. hæð í Ráðhúsi
Nefndarmenn
  • Dagbjört Elín Pálsdóttir formaður
  • Óskar Ingi Sigurðsson
  • Kristján Ingimar Ragnarsson
  • Kristinn Frímann Árnason
  • Áshildur Hlín Valtýsdóttir
  • Jóhannes Árnason áheyrnarfulltrúi
Starfsmenn
  • Jón Birgir Gunnlaugsson fundarritari
Dagskrá
Jóhannes Árnason varaáheyrnarfulltrúi V-lista mætti í stað Ólafs Kjartanssonar sem boðaði forföll.

1.Úrgangsmál - starfshópur

Málsnúmer 2014110224Vakta málsnúmer

Umræður um stöðu málsins, hvernig til hefur tekist og áframhaldandi vinnu.

2.Óshólmanefnd

Málsnúmer 2009110125Vakta málsnúmer

Umræður um markmið óshólmanefndar og skipun fulltrúa í hana.
Umhverfisnefnd tilnefnir Ólaf Kjartansson, kt. 220255-2399, V-lista og Dagbjörtu Pálsdóttur, kt. 010980-5699, S-lista sem fulltrúa sína í óshólmanefnd og óskar eftir að Eyjafjarðarsveit og Isavia tilnefni einnig fulltrúa í nefndina.
Áshildur Hlín Valtýsdóttir Æ-lista mætti til fundar kl. 10:30.

3.Hvatning um gróðursetningu í tilefni afmælis

Málsnúmer 2015060052Vakta málsnúmer

Tekið fyrir erindi frá Sambandi Íslenskra sveitarfélaga dagsett 3. júní 2015 þar sem sambandið að ósk Skógræktarfélags Íslands hvetur öll sveitarfélög landsins til að standa sameiginlega með skógræktarfélögum landsins að gróðursetningu trjáplantna laugardaginn 27. júní nk. til heiðurs Vigdísi Finnbogadóttur í tilefni þess að 35 ár eru liðin frá því hún var kjörinn í embætti forseta Íslands, fyrst kvenna í heiminum sem þjóðkjörinn forseti.
Umhverfisnefnd samþykkir að taka þátt í verkefninu.

4.Eyjafjarðarsveit, Hvammur - efnistökusvæði, beiðni um umsögn á skipulags- og matslýsingu

Málsnúmer 2015060040Vakta málsnúmer

Erindi dagsett 3. júní 2015 frá skipulagsfulltrúa Eyjafjarðarsveitar þar sem óskað er eftir umsögn Akureyrarkaupstaðar á skipulags- og matslýsingu vegna deiliskipulags efnistökusvæðis í landi Hvamms í Eyjafjarðarsveit. Meðfylgjandi er skipulags- og matslýsing, unnin af Árna Ólafssyni Teiknistofu arkitekta Gylfa Guðjónssonar og félaga ehf, dagsett 15. maí 2015.
Umhverfisnefnd lýsir áhyggjum sínum á að vinnsla á umræddu efnistökusvæði valdi breytingum á gæðum útivistarsvæðisins í Kjarnaskógi. Efnistökusvæðið er nálægt útivistarsvæðinu og hávaði og rykmengun líkleg til að berast yfir svæðið. Umhverfisnefnd fer fram á að svæðið fari í umhverfismat í ljósi þess að um nýtt efnistökusvæði er að ræða.

Fundi slitið - kl. 11:20.