Umhverfisnefnd

86. fundur 08. október 2013 kl. 16:20 - 17:25 Fundarsalur á 2. hæð í Ráðhúsi
Nefndarmenn
  • Hulda Stefánsdóttir formaður
  • Ómar Ólafsson
  • Jón Ingi Cæsarsson
  • Kristinn Frímann Árnason
  • Petrea Ósk Sigurðardóttir
  • Ólafur Kjartansson áheyrnarfulltrúi
  • Sif Sigurðardóttir áheyrnarfulltrúi
Starfsmenn
  • Jón Birgir Gunnlaugsson fundarritari
Dagskrá

1.Ársfundur Umhverfisstofnunar 2013

Málsnúmer 2013040004Vakta málsnúmer

Tekið fyrir erindi dags. 24. september 2013 frá Umhverfisstofnun þar sem boðað er til ársfundar Umhverfisstofnunar og náttúruverndarnefnda sveitarfélaga fimmtudaginn 24. október 2013 í Garðabæ.

Forstöðumanni umhverfismála falið að senda nefndarmönnum dagskrá ársfundarins þegar hún berst.

2.Kjarnaskógur og Hamrar - deiliskipulag (SN090096)

Málsnúmer 2010030017Vakta málsnúmer

Deiliskipulag fyrir Kjarnaskóg og Hamra tekið til umfjöllunar og afgreiðslu.

Umhverfisnefnd fagnar því að deiliskipulagstillaga fyrir þetta svæði liggi fyrir. Það er gott fyrir svæðið að það sé nú loks skipulagt með formlegum hætti. Þó vill nefndin árétta að fyrir útivistar- og tjaldsvæði er óviðunandi til framtíðar að þar liggi yfir háspennulínur og hafi veruleg sjónræn og umhverfisleg áhrif. Nefndin leggur til að í greinargerð komi afgerandi fram að línurnar verði horfnar í síðasta lagi árið 2020.

3.Könnun á vilja sveitarfélaga og rekstraraðila til að koma á samræmdri flokkun heimilisúrgangs á landsvísu

Málsnúmer 2013090256Vakta málsnúmer

Lagt fram til kynningar erindi dags. 23. september 2013 frá Umhverfisstofnun fyrir hönd umhverfis- og auðlindaráðuneytis þar sem óskað er eftir að Akureyrarkaupstaður taki þátt í könnun er varðar vilja sveitarfélaga og rekstraraðila til að koma á samræmdri flokkun heimilisúrgangs á landsvísu.

Fundi slitið - kl. 17:25.