Umhverfisnefnd

74. fundur 05. júní 2012 kl. 16:15 - 17:45 Fundarsalur á 2. hæð í Ráðhúsi
Nefndarmenn
  • Hulda Stefánsdóttir formaður
  • Páll Steindór Steindórsson
  • Jón Ingi Cæsarsson
  • Kristinn Frímann Árnason
  • Petrea Ósk Sigurðardóttir
  • Anna Hildur Guðmundsdóttir áheyrnarfulltrúi
  • Ólafur Kjartansson áheyrnarfulltrúi
Starfsmenn
  • Helgi Már Pálsson bæjartæknifræðingur
  • Jón Birgir Gunnlaugsson fundarritari
Dagskrá

1.Samgönguáætlun - tillögur

Málsnúmer 2012050232Vakta málsnúmer

Farið yfir tillögur að samgönguáætlun.
Rúna Ásmundsdóttir verkfræðingur hjá Mannviti mætti á fundinn undir þessum lið.

Umhverfisnefnd leggur til að farið verði af stað með gerð samgönguáætlunar fyrir Akureyrarkaupstað. Jafnframt þakkar nefndin Rúnu fyrir áhugaverða kynningu og óskar eftir nánari upplýsingum um kostnað við áframhaldandi vinnu.

2.Staðardagskrá 21 - endurskoðun 2012

Málsnúmer 2011050056Vakta málsnúmer

Farið yfir vinnu við endurskoðun Staðardagskrár 21 fyrir Akureyri.

Umhverfisnefnd samþykkir að leita til Stefáns Gíslasonar umhverfisstjórnunarfræðings um áframhaldandi vinnu.

3.Lagning raflína í jörð

Málsnúmer 2012030264Vakta málsnúmer

Farið yfir málið að nýju.

Umhverfisnefnd Akureyrar tekur undir bókun skipulagsnefndar Akureyrar frá 9.maí sl. og áréttar einnig mikilvægi þess að stuðst verði við þemu Staðardagskrár 21. Mikilvægt er að sjónræni umhverfisþátturinn verði ekki einn til viðmiðunar við ákvarðanatöku um að leggja háspennulínur í jörðu heldur fái vistfræðilegir þættir sem og samfélagslegir það vægi sem þeim ber. Að öðru leyti er vísað til greinargerðar sem fylgir með bókuninni.

4.Fuglavernd

Málsnúmer 2012060057Vakta málsnúmer

Umræður um dráp á friðuðum fuglum.

Umhverfisnefnd vill af gefnu tilefni vekja athygli á að nýr landnemi á Akureyri, stari, er alfriðaður fugl og því alvarlegt brot á fuglaverndarlögum að eyðileggja hreiður og deyða unga hans.

Umhverfisnefnd vill beina því til allra er málið varðar að virða þessa friðun og láta fuglinn ljúka varpi og koma upp ungum og að því loknu þá grípa til fyrirbyggjandi aðgerða með því að loka fyrir aðgengi starans til hreiðurgerðar.

Fundi slitið - kl. 17:45.