Umhverfisnefnd

59. fundur 12. apríl 2011 kl. 16:15 - 17:35 Fundarsalur á 2. hæð í Ráðhúsi
Nefndarmenn
  • Sigmar Arnarsson formaður
  • Hulda Stefánsdóttir
  • Kolbrún Sigurgeirsdóttir
  • Petrea Ósk Sigurðardóttir
  • Valdís Anna Jónsdóttir
Starfsmenn
  • Helgi Már Pálsson bæjartæknifræðingur
  • Jón Birgir Gunnlaugsson fundarritari
Dagskrá

1.Becromal - starfsleyfi - sýrustigsmælingar

Málsnúmer 2011030162Vakta málsnúmer

Umræður um starfsemi Becromal og mengunina sem þar varð fyrir skemmstu.

Umhverfisnefnd undirstrikar alvarleika málsins, þó svo að umhverfisáhrif hafi verið óveruleg. Það þykir miður og alvarlegt að fyrirtækið hafi farið yfir leyfileg losunarmörk í starfsemi sinni. Einnig þykir það alvarlegt að eftirlitsaðilar hafi ekki fylgst nægilega vel með og látið málið viðgangast. Þessir tveir samvirkandi þættir hafa leitt til þess að losað hefur verið meira en leyfilegt er, sem er í eðli sínu alvarlegt mál.

Umhverfisnefnd lýsir yfir vonbrigðum með hvernig að málum hefur verið staðið en fagnar jafnframt úrbótum innan fyrirtækisins. Sérstökum vonbrigðum er þó lýst yfir gagnvart eftirlitsaðilum og vonar umhverfisnefnd að unnið verði að úrbótum meðal þeirra.

Umhverfisnefnd óskar eftir því við forsvarsmenn Becromal Iceland ehf að fá kynningu á niðurstöðum skýrslu um rannsókn á lífríki sjávar í nágrenni verksmiðjunnar sem áætlað er að verði tilbúin 1. júní nk.

2.Dagur umhverfisins 2011

Málsnúmer 2011030144Vakta málsnúmer

Tekið fyrir erindi dags. 14. mars 2011 frá Umhverfisráðuneytinu þar sem vakin er athygli á degi umhverfisins 2011.

Í tilefni af degi umhverfisins 25. apríl nk. mun umhverfisnefnd bjóða upp á gönguferð um Naustaborgir í maí með áherslu á trjágróður og fuglalíf.

3.Loftslagsráðstefna á Akureyri - 2011

Málsnúmer 2011020004Vakta málsnúmer

Farið yfir hvernig vinnu við undirbúning ráðstefnunnar miðar.

Umhverfisnefnd þakkar starfsmönnum yfirferðina og felur þeim áframhaldandi vinnu við undirbúning ráðstefnunnar.

4.Skógræktarfélag Eyfirðinga - Landgræðsluskógar

Málsnúmer 2011030149Vakta málsnúmer

Tekið fyrir erindi dags. 29 mars 2011 frá Skógræktarfélagi Eyfirðinga þar sem félagið fer fram á að fá landsvæði í landi Hrappsstaða og Kífsár til skógræktar í samvinnu við Akureyrarkaupstað og Skógræktarfélag Íslands.

Umhverfisnefnd tekur jákvætt í erindið og felur starfsmönnum að vinna að málinu út frá umræðum á fundinum.

5.Staðardagskrá 21 - framkvæmdaáætlun 2010-2012

Málsnúmer 2010070099Vakta málsnúmer

Jón Birgir Gunnlaugsson forstöðumaður umhverfismála fór yfir stöðu verkefna í Staðardagskrá 21, 2010-2012.

Fundi slitið - kl. 17:35.