Umhverfis- og mannvirkjaráð

39. fundur 07. september 2018 kl. 08:15 - 11:15 Fundarsalur á 1. hæð í Ráðhúsi
Nefndarmenn
  • Andri Teitsson formaður
  • Gunnfríður Elín Hreiðarsdóttir
  • Jóhann Jónsson
  • Berglind Bergvinsdóttir
  • Gunnar Gíslason
  • Ólafur Kjartansson áheyrnarfulltrúi
Starfsmenn
  • Guðríður Friðriksdóttir sviðsstjóri umhverfis- og mannvirkjasviðs
  • Tómas Björn Hauksson forstöðumaður nýframkvæmda
  • Steindór Ívar Ívarsson forstöðumaður viðhaldsdeildar
  • Hildigunnur Rut Jónsdóttir forstöðumaður umhverfis- og sorpdeildar
  • Dóra Sif Sigtryggsdóttir forstöðumaður rekstrardeildar
  • Guðný Skúladóttir fundarritari
Fundargerð ritaði: Guðný Skúladóttir Fundarritari
Dagskrá
Gunnfríður Elín Hreiðarsdóttir B-lista mætti í forföllum Ingibjargar Ólafar Isaksen.
Berglind Bergvinsdóttir M-lista mætti í forföllum Jóhönnu Sólrúnar Norðfjörð.
Ólafur Kjartansson V-lista mætti í forföllum Jönu Salome Ingibjargar Jósepsdóttur.

1.Fjárhagsáætlun umhverfis- og mannvirkjasviðs 2019

Málsnúmer 2018080973Vakta málsnúmer

Farið yfir vinnslu á fjárhagsáætlun 2019.

2.Umhverfis- og mannvirkjasvið gjaldskrár 2019

Málsnúmer 2018090053Vakta málsnúmer

Lagt fram minnisblað dagsett 4. september 2018 vegna gjaldskrárbreytingar bifreiðaförgunar, hundaleyfis, kattaleyfis, búfjárleyfis, sorphreinsunargjalda, fastleigustæða og stöðubrota, leigulanda, múrbrots og malbiksbrots.
Gunnar Gíslason D-lista vék af fundi.

3.Umhverfis- og mannvirkjasvið - starfsmannamál

Málsnúmer 2017050113Vakta málsnúmer

Farið yfir stöðuna á ráðningu starfsmanns í sundlaugina, verkefnastjóra mælingar, verkefnastjóra í nýframkvæmdum, verkefnastjóra í viðhaldi, verkefnastjóra umferðarmála, verkefnastjóra í rekstrardeild ásamt því að fara yfir starfsmannamál í umhverfismiðstöð á vélaverkstæðið og fleira.
Umhverfis- og mannvirkjaráð samþykkir ráðningu í stöðu verkefnastjóra sorpmála, verkefnastjóra umferðarmála, verkefnastjóra í umhverfismiðstöð, byggingarstjóra sundlaugar og ráðningu forstöðumanns hönnunar með fyrirvara um samþykki bæjarráðs á viðbótarfjárframlögum.

4.Glerárskóli - vinnuhópur

Málsnúmer 2017080128Vakta málsnúmer

Skipa þarf nýjan fulltrúa umhverfis- og mannvirkjaráðs í vinnuhóp vegna breytinga á Glerárskóla.
Umhverfis- og mannvirkjaráð samþykkir að Jóhann Jónsson verði fulltrúi ráðsins í vinnuhópi vegna breytinga á Glerárskóla.

5.Villikettir á Akureyri

Málsnúmer 2018060258Vakta málsnúmer

Dýraverndunarfélagið Villikettir, kt. 710314-1790, óskar eftir samstarfi við Akureyrarbæ og viðurkenningu á aðferðafræði sinni sem kennd er við TNR (Trap-Neuter-Return) eða Fanga-Gelda-Skila.

Félagið óskar hér með eftir formlegum samningi við Akureyrarbæ þannig að ekki sé neinn vafi um heimildir félagsins til að sinna dýravelferð í bæjarlandi Akureyrar.

Einnig óskar Dýraverndunarfélagið Villikettir eftir viðurkenningu Akureyrarbæjar á merkingum félagsins á villiköttum sem hafa farið í gegnum TNR prógrammið og líti svo á að eyrnamerkingar félagsins á geldum villiköttum sé næg staðfesting á að þarna sé um villikött að ræða sem séð er um af hálfu félagsins Villikatta og muni í öllum tilfellum leita til félagsins ef skjólstæðingar þess koma til afskipta sveitarfélagsins.

Félagið óskar einnig eftir afnotum af húsnæði undir starfsemina, eða lóð þar sem hægt væri að setja niður lítið færanlegt hús sem gæti hýst þær kisur sem verið er að hjálpa.
Umhverfis- og mannvirkjaráð getur ekki orðið við erindinu vegna reglna í Samþykkt um kattahald í Akureyrarkaupstað.

Ólafur Kjartansson V-lista lagði fram bókun: Ástandið á kattamálum er óviðunandi. Brýnt er að endurskoða regluverkið svo takast megi að koma lagi á ástandið.

6.Alheimshreinsunardagurinn 15. september 2018

Málsnúmer 2018090057Vakta málsnúmer

Alheimshreinsunardagurinn fer fram þann 15. september nk. Landvernd, Blái herinn, JCI á Íslandi, Plastlaus september og plokkarahreyfingin hvetja sveitarfélög til að koma gámum eða stórum sekkjum fyrir á ákveðnum stöðum þennan dag og auðvelda fólki með því móti hreinsun og flokkun á rusli. Einnig eru sveitarfélög beðin um að leggja skipuleggjendum lið við að kynna daginn og hvetja almenning til dáða. Átakinu verður síðan fylgt eftir með upplýsingum um áætlaðan afrakstur dagsins og hvað hafi orðið af öllu ruslinu.

Rut Jónsdóttir forstöðumaður umhverfis- og sorpmála lagði fram minnisblað dagsett 4. september 2018 vegna þessa.
Umhverfis- og mannvirkjaráð samþykkir að taka þátt í verkefninu og felur sviðsstjóra og forstöðumanni umhverfis- og sorpmála að útfæra undirbúninginn.

7.Naustaskóli 6. áfangi - lóð

Málsnúmer 2017020140Vakta málsnúmer

Lögð fram stöðuskýrsla nr. 3 dagsett 7. september 2018.

Umhverfis- og mannvirkjaráði var kynnt staða á framkvæmdum og kostnaði. Gert er ráð fyrir verklokum í október 2018.

8.Sundlaug Grímseyjar endurbætur í kjallara

Málsnúmer 2018090063Vakta málsnúmer

Lagt fram minnisblað dagsett 4. september 2018 frá Steindóri Ívari Ívarssyni forstöðumanni viðhalds um kostnað á endurbótum á búnaði í kjallara Sundlaugar Grímseyjar vegna breytingar á ljósavél Rarik.

9.Önnur mál í umhverfis- og mannvirkjaráð 2018

Málsnúmer 2018020518Vakta málsnúmer

Farið var í skoðunarferð til Skútabergs og umhverfismiðstöðvar.

Fundi slitið - kl. 11:15.