Skólanefnd

Birna M. Svanbjörnsdóttir forstöðumaður miðstöðvar skólaþróunar HA fór yfir helstu samstarfsverkefni miðstöðvarinnar og skóladeildar.
Fjöldi samstarfsverkefna hefur verið í gangi milli háskólans og skóla Akureyrarbæjar. Meðal þeirra eru:

Byrjendalæsi
Undirbúningur og kynning á Læsi til náms
Innleiðing aðalnámsskrár og leiðsagnarmat
Stærðfræði
Foreldrar og læsi barna
Eineltis- og samskiptamál í skólum
Þróunarverkefni í leikskólum
Mótun lærdómssamfélags á báðum skólastigum
Læsisstefna
Viðhorfakannanir
Endurskoðun skólastefnu
Ráðstefnur

Meðal þeirra verkefna sem framundan er að vinna er að þróa enn frekar lestrar- og læsiskennslu í samræmi við læsisstefnu sem er í mótun, endurskoðun á skólastefnu bæjarins, þróa leiðir til að efla líðan og samskipti í skólum Akureyrarbæjar, efla færni kennara í notkun upplýsingatækni í skólastarfi með nemendum og fleira.

Sigurbjörg Rún Jónsdóttir verkefnastjóri á skóladeild kynnti verklagsreglur um auglýsingar í leik- og grunnskólum Akureyrarbæjar.

Árni Konráð Bjarnason rekstrarstjóri á skóladeild og Hrafnhildur Sigurðardóttir leikskólafulltrúi á skóladeild fóru yfir spá um þróun nemendafjölda í leik- og grunnskólum Akureyrar á næstu 10 árum.

Soffía Vagnsdóttir fræðslustjóri kynnti hugmyndir um uppbyggingu skólatónleika og listsýninga í leik- og grunnskólum Akureyrarbæjar.