Skólanefnd

Lögð var fram til kynningar könnun sem lögð er fyrir í öllum leik- og grunnskólum landsins um stöðu innleiðingar aðalnámskrár. Tilgangur hennar er að athuga hvar leik- og grunnskólar eru staddir í innleiðingarferlinu þannig að auðveldara sé að bjóða skólum fræðslu og leiðsögn sem þess óska. Skólaárið 2014-2015 er gert ráð fyrir að allir leik- og grunnskólar hafi lagað starf sitt að nýrri menntastefnu. Könnunin er unnin sameiginlega af fulltrúum mennta- og menningarmálaráðuneytisins, Sambands íslenskra sveitarfélaga, Skólastjórafélags Íslands og Félags stjórnenda í leikskólum.

Staða á innritun í leikskóla 2013 og biðlistum til dagforeldra.
Hrafnhildur Sigurðardóttir gerði grein fyrir stöðu mála. Fram kom í máli hennar að vegna fækkunar á leikskólum næsta haust verði hægt að verða við óskum allra foreldra þeirra barna sem fædd eru á árunum 2008-2011 um leikskólapláss. Heildarfjöldi barna sem bíða eftir leikskólaplássi í janúar 2013 er 217 en ráðgert er að 271 barn útskrifist af leikskóla á árinu.

Erindi frá Ernu Rós Ingvarsdóttur leikskólastjóra á Pálmholti dags. 18. janúar 2013 þar sem óskað er eftir heimild til að fjölga starfsdögum um einn á þessu skólaári.

Með bréfi dags. 22. janúar 2013 tilkynnti mennta- og menningarmálaráðuneytið að frá og með 1. janúar 2013 fluttist umsjón með framkvæmd ytra mats á einstökum leik- og grunnskólum frá mennta- og menningarmálaráðuneytinu til Námsmatsstofnunar sem héðan í frá sér um að auglýsa eftir sveitarfélögum sem áhuga hafa á að láta gera ytra mat á skólum, velja skóla til þátttöku í ytra mati og ráða úttektaraðlia.
Erindið lagt fram til kynningar.

Með bréfi frá mennta- og menningarmálaráðuneytinu dags. 23. janúar 2013 er greint frá niðurstöðum úttektar á ritunarkennslu í 12 grunnskólum vorið 2012. Lundarskóli og Giljaskóli voru meðal þeirra skóla sem úttektin var gerð í. Í niðurstöðum skýrslunnar kemur fram að hvergi megi greina alvarlega vankanta á ritunarkennslu í skólunum 12 þótt ýmislegt megi bæta á sumum sviðum. Tillögur til úrbóta eru lagðar fram sameiginlega fyrir alla skólana.
Málið lagt fram til kynningar.

Erindi dags. 28. janúar 2013 barst frá Herdísi Regínu Arnórsdóttur og Aldísi Einarsdóttur f.h. dagforeldra varðandi beiðni um endurskoðun á samningi dagforeldra og Akureyrarbæjar.