Skólanefnd

5. fundur 07. mars 2011 kl. 14:00 - 16:35 Fundarsalur á 2. hæð í Glerárgötu 26
Nefndarmenn
  • Sigurveig S. Bergsteinsdóttir formaður
  • Sigrún Björk Sigurðardóttir
  • Tryggvi Þór Gunnarsson
  • Helgi Vilberg Hermannsson
  • Logi Már Einarsson
Starfsmenn
  • Hrafnhildur G Sigurðardóttir leikskólafulltrúi
  • Ólína Rebekka Stefánsdóttir
  • Gunnar Gíslason fræðslustjóri ritaði fundargerð
Dagskrá

1.Forvarnastefna - endurskoðun 2010

Málsnúmer 2010110033Vakta málsnúmer

Tölvupóstur dags. 18. febrúar 2011 frá samfélags- og mannréttindaráði þar sem þess er óskað að skólanefnd taki drög að nýrri forvarnastefnu til umsagnar.
Þuríður Sigurðardóttir og Sædís Gunnarsdóttir fulltrúar skólanefndar í nefnd sem vann að endurskoðun stefnunnar mættu á fundinn undir þessum lið og gerðu grein fyrir þeim drögum sem fyrir liggja.

Skólanefnd þakkar Þuríði og Sædísi fyrir kynninguna.

Skólanefnd líst vel á þau drög sem fyrir liggja en telur að skerpa megi á umfjöllun um viðbrögð gegn einelti.

2.Fræðslu- og uppeldismál 2010 - rekstrarniðurstaða

Málsnúmer 2009100061Vakta málsnúmer

Fyrir fundinn var lagt yfirlit yfir rekstrarniðurstöðu ársins 2010 fyrir fræðslu- og uppeldismál. Þar kemur fram að reksturinn er jákvæður um kr. 37.759.943, sem eru 0,88% af rekstri málaflokksins.

Skólanefnd þakkar stjórnendum og starfsmönnum skólanna fyrir góða fyrirhyggju og ráðdeildarsemi á árinu 2010.

Anna Lilja Sævarsdóttir yfirgaf fundinn kl. 14:50.

3.Úthlutun til kennslu skólaárið 2011-2012

Málsnúmer 2011030037Vakta málsnúmer

Fyrir fundinn var lögð fram til kynningar tillaga að úthlutun til almennrar kennslu og sérkennslu skólaárið 2011-2012.

Skólanefnd felur fræðslustjóra að vinna áfram að tillögunni í samráði við skólastjóra og sérkennsluráðgjafa.

4.Fræðslu- og uppeldismál - þriggja ára áætlun 2012-2014

Málsnúmer 2011010090Vakta málsnúmer

Rætt um þriggja ára áætlun 2012-2014 fyrir málaflokkinn fræðslu- og uppeldismál.

5.Skólavogin - kynning

Málsnúmer 2011020093Vakta málsnúmer

Erindi dags. 14. febrúar 2011 frá Sambandi íslenskra sveitarfélaga þar sem tilraunaverkefnið Skólavogin er kynnt. Fram kemur að með Skólavoginni sé unnt að bera saman lykiltölur um skólamál á samræmdan hátt á milli skóla og sveitarfélaga. Til þess að Skólavogin geti vaxið og þjónað hlutverki sínu skortir öflugt tæki til að safna saman upplýsingum, vinna úr þeim og miðla á notendavænan hátt. Til þess að fá aðgang að slíku tæki þarf meira fjámagn inn í verkefnið og er með erindinu verið að kanna áhuga sveitarfélaga til að vera með og fá frekari kynningu á því á árinu 2011 svo hægt sé að taka ákvörðun um framhald verkefnisins. Óskað er eftir svörum frá sveitarfélögum fyrir 15. mars nk.

Skólanefnd lýsir yfir áhuga á því að fá frekari kynningu á verkefninu.

6.Varpholt - framtíðaráform

Málsnúmer 2009110053Vakta málsnúmer

Fyrir fundinum lá að ræða og taka ákvörðun um afstöðu skólanefndar til nýtingar á húsnæði Varpholts. Ljóst er að húsnæðið er ekki nauðsynlegt fyrir starfsemi Hlíðarskóla og hefur staðið ónotað um tíma en á kostnað skólanefndar.

Skólanefnd telur að ekki séu not fyrir húsnæði Varpholts fyrir skólastarf. Því er óskað eftir því við Fasteignir Akureyrarbæjar að skólanefnd verði leyst undan leiguskyldum af húsinu.

7.Leikskólagjöld fyrir börn með lögheimili utan Reykjavíkur - breyting á gjöldum

Málsnúmer 2011020147Vakta málsnúmer

Erindi dags. 21. febrúar 2011 frá Leikskólasviði Reykjavíkurborgar. Þar kemur fram að Reykjavíkurborg mun ekki fara eftir viðmiðunargjaldskrá Sambands íslenskra sveitarfélaga, vegna barna sem eiga lögheimili í öðrum sveitarfélögum en eru í leikskólum borgarinnar. Í erindinu er óskað eftir samstarfi við sveitarfélög vegna útfærslu á greiðslu kostnaðar vegna þessara barna.

Skólanefnd telur eðlilegt að þetta verkefni verði leyst á vettvangi Sambands íslenskra sveitarfélaga og óskar því eftir að skólamálanefndin leiti ásættanlegrar lausnar.

8.Starfsáætlun skólanefndar 2011

Málsnúmer 2010080096Vakta málsnúmer

Rætt var um gerð starfsáætlunar 2011.

Skólanefnd boðar til vinnufundar mánudaginn 14. mars nk. kl. 09:00 - 12:00.

9.Lundarskóli - stjórnskipulag

Málsnúmer 2011030010Vakta málsnúmer

Tölvupóstur dags. 2. mars 2011 þar sem Þórhildur Helga Þorleifsdóttir skólastjóri Lundarskóla óskar eftir staðfestingu skólanefndar á tillögu um stjórnskipulag skólans næsta skólaár.

Skólanefnd samþykkir tillöguna til eins árs.

10.Félag leikskólakennara - ályktun vegna niðurskurðar til leikskóla hjá sveitarfélögum landsins

Málsnúmer 2011020150Vakta málsnúmer

Lögð fram til kynningar ályktun stjórnar Félags leikskólakennara dags. 22. febrúar 2011 vegna niðurskurðar til leikskóla hjá sveitarfélögum.

11.Tónlistarskólar - ályktun mótmælafundar

Málsnúmer 2011020113Vakta málsnúmer

Erindi dags. 11. febrúar 2011 frá Félagi tónlistarskólakennara, Félagi íslenskra hljómlistarmanna, Samtökum tónlistarskólastjóra og tónlistarnemendum varðandi ályktun mótmælafundar "Samstaða um framhald tónlistarskólanna".

Skólanefnd telur afar mikilvægt að samkomulag náist um kostnaðarskiptingu ríkis og sveitarfélaga vegna nemenda í tónlistarskólum sem eru eldri en 16 ára og á miðstigi í söng og hljóðfæranámi á framhaldsstigi.

Fundi slitið - kl. 16:35.