Skólanefnd

21. fundur 09. nóvember 2015 kl. 13:30 - 17:00 Fundarsalur á 2. hæð í Glerárgötu 26
Nefndarmenn
  • Dagný Þóra Baldursdóttir varaformaður
  • Ingibjörg Ólöf Isaksen
  • Pétur Maack Þorsteinsson
  • Eva Hrund Einarsdóttir
  • Preben Jón Pétursson
  • Anna María Hjálmarsdóttir áheyrnarfulltrúi
Starfsmenn
  • Soffía Vagnsdóttir fræðslustjóri ritaði fundargerð
  • Hrafnhildur G Sigurðardóttir leikskólafulltrúi
  • Árni Konráð Bjarnason rekstrarstjóri
Dagskrá
Siguróli Magni Sigurðsson B-lista boðaði forföll og Ingibjörg Ólöf Ísaksen varamaður B-lista mætti í hans stað.
Halldór Guðmann Karlsson áheyrnarfulltrúi Samtaka, foreldrafélaga grunnskóla boðaði forföll og Heimir Eggerz Jóhannsson mætti í hans stað.

1.Rekstur fræðslumála 2015

Málsnúmer 2015040087Vakta málsnúmer

Staða janúar-september 2015.
Árni Konráð Bjarnason rekstrarstjóri á skóladeild fór yfir stöðuna.

2.Jafnréttisstefna Akureyrarbæjar

Málsnúmer 2015100143Vakta málsnúmer

Sigríður Stefánsdóttir framkvæmdastjóri samfélags- og mannréttindadeildar/jafnréttisráðgjafi kynnti helstu breytingar á endurskoðaðri stefnu.
Ingibjörg Guðmundsdóttir fulltrúi skólastjóra fór af fundi undir lið 3, kl. 15:50.
Guðrún Ásbjörg Stefánsdóttir fulltrúi foreldra leikskólabarna vék af fundi kl. 16:00.
Sigurður Freyr Sigurðarson áheyrnarfulltrúi grunnskólakennara vék af fundi kl. 16:03.

3.Gjaldskrár fræðslumála 2016

Málsnúmer 2015090108Vakta málsnúmer

Árni Konráð Bjarnason rekstrarstjóri fór yfir tillögur að gjaldskrám fyrir árið 2016.
Skólanefnd samþykkir breytingar á gjaldskrám.
Preben Jón Pétursson Æ-lista sat hjá við afgreiðslu og óskaði eftir að farið verði í að skoða möguleika á að gera þjónustu dagforeldra og leikskóla gjaldfrjálsa að hluta.
Eva Hrund Einarsdóttir D-lista lagði til að farið verði í að kostnaðargreina rekstur Frístundar og að starfsemi Frístundar verði bókuð sér í rekstri skólanna.
Skólanefnd tekur undir tillögu Evu Hrundar.
Anna María Hjálmarsdóttir áheyrnarfulltrúi V-lista vék af fundi undir 4. lið, kl. 16:28.
Ingibjörg Ólöf Isaksen B-lista vék af fundi undir 4. lið, kl. 16:30.

4.Foreldrafélag Brekkuskóla

Málsnúmer 2015100144Vakta málsnúmer

Ályktun aðalfundar foreldrafélags Brekkuskóla þann 20. október 2015 um aðstöðu til íþróttaiðkunar fyrir nemendur Brekkuskóla.
Fræðslustjóri hefur fundað með fulltrúum íþróttaráðs til að finna lausn á málinu. Óskað hefur verið eftir hávaðamælingu í Íþróttahöllinni og beðið er niðurstaðna.
Að öðru leyti er erindinu vísað til íþróttaráðs.

5.Glerárskóli - ályktun frá skólaráði

Málsnúmer 2015110054Vakta málsnúmer

Lögð fram til kynningar ályktun skólaráðs Glerárskóla um loftræstikerfi skólans.

6.Leikskólinn Pálmholt - erindi frá foreldraráði október 2015

Málsnúmer 2015110055Vakta málsnúmer

Erindi frá foreldraráði dagsett 19. október 2015 varðandi snjóbræðslu við skólann og úrbætur á skólalóð.
Snjóbræðslukerfi við leikskólann er á fjárhagsáætlun 2016. Skólanefnd tekur undir mikilvægi úttektar á skólalóðum og að brugðist sé við nauðsynlegri viðhaldsþörf. Erindið kynnt.

7.Uppsagnir skólastjórnenda

Málsnúmer 2015110052Vakta málsnúmer

Bréf dagsett 10. október 2015 frá Ágústi Jakobssyni skólastjóra Naustaskóla þar sem hann segir upp starfi sínu.
Bréf dagsett 5. nóvember 2015 frá Ágústi Jakobssyni skólastjóra Naustaskóla þar sem hann óskar eftir að draga uppsögn sína til baka.
Bréf dagsett 19. október 2015 frá Jóni Baldvini Hannessyni skólastjóra Giljaskóla þar sem hann segir upp starfi sínu.
Bréf dagsett 6. nóvember 2015 frá Jóni Baldvini Hannessyni þar sem hann óskar eftir að draga uppsögn sína til baka.
Lagt fram til kynningar.

8.Fjárhagsáætlun fræðslumála 2016

Málsnúmer 2015050243Vakta málsnúmer

Þessum lið var frestað til næsta fundar.

Fundi slitið - kl. 17:00.